Ana səhifə

Güləşçilərimiz II Avropa Oyunlarında iştirak edəcək / HEYƏT

    Tarix: 21-06-2019 08:26   
 




İyunun 25-dən 30-dək Belarusun paytaxtı Minskdə II Avropa Oyunları keçiriləcək.

Bu gün sərbəst və güləş yığmalarımızın mətbuat üçün açıq məşqi baş tutub. Olimpiya Güləş Mərkəzində gerçəkləşən hazırlıq prosesinin yekununda Azərbaycan Güləş Federasiyasının prezident əvəzi Namiq Əliyev yarışda iştirak edəcək güləşçilərə uğurlar arzuladıqdan sonra heyəti açıqlayıb.

Sərbəst güləş yarışında baş məşqçi Saypulla Absaidov, böyük məşqçi Zəlimxan Hüseynov və məşqçi Arif Abdullayevin rəhbərliyi altında Mahir Əmiraslanov (57 kq), Hacı Əliyev (65 kq), Hacımurad Hacıyev (74 kq), Aleksandr Qostiyev (86 kq), Nurməhəmməd Hacıyev (97 kq) və Camaləddin Məhəmmədov (125 kq) çıxış edəcək.

Qadınların mübarizəsində ölkəmizi 5 güləşçi təmsil edəcək. Baş məşqçi Aslan Ağayev və böyük məşqçi Rövşən Umudovun tapşırıqlarını Mariya Stadnik (50 kq), Alyona Kolesnik (57 kq), Elmira Qəmbərova (62 kq), İrina Netreba (68 kq) və Səbirə Əliyeva (76 kq) icra edəcək.

Yunan-Roma güləşçilərimizin də sayı bu qədərdir. Baş məşqçi Şaban Donat və böyük məşqçi Rövşən Bayramovun rəhbərliyi altında Sakit Quliyev (60 kq), Kərim Cəfərov (67 kq), İslam Abbasov (87 kq), Orxan Nuriyev (97 kq) və Sabah Şəriəti (130 kq) Minskdə uğur qazanmağa çalışacaq.

Qeyd edək ki, II Avropa Oyunlarında beynəlxalq dərəcəli hakim Asif Şirəliyev ədaləti qoruyacaq.







Oxu 563 dəfə



шаблоны для dle 11.2



Ən çox oxunanlar
Reklam

Xəbər lenti
Baş Redaktor: Azər Talıbov      
Bizimlə Əlaqə : Tel - (050) 378 66 61 / (077) 271 55 66       E-mail : anaxeber.az@gmail.com
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.info © 2014
Designed by: Daraaz.net