Ana səhifə

Arlem Dezir növbəti dəfə Əfqan Muxtarlının azad edilməsinə çağırıb

    Tarix: 25-11-2019 08:49   

 


“Jurnalistlərin təkcə fiziki deyil, həm də hüquqi təhlükəsizliyini qorumaq lazımdır”.

ATƏT-in KİV azadlığı üzrə nümayəndəsi Arlem Dezir belə hesab edir.

“Turan” agentliyinin məlumatına görə, bu barədə o, cümə günü Vyanada ATƏT Daimi Şurasının iki illik fəaliyyəti barədə hesabatı təqdim edərkən bildirib.

“Bir il öncə təşkilatın 57 üzv dövləti jurnalistlərin təhlükəsizliyi ilə bağlı Nazirlər Şurasının qərarını təsdiqlədi. Ancaq bu qərarın icrasını təmin etmək üçün hələ çox iş görülməlidir. Həqiqət ondan ibarətdir ki, bir çox jurnalist və KİV işçiləri öz fikirlərini ifadə etdiklərinə, öz işlərini yerinə yetirdiklərinə görə hələ də təqiblərə məruz qalırlar”, – A.Dezir deyib.

O qeyd edib ki, son beş ay ərzində 69 jurnalistin fiziki təhlükəsizliyi ilə bağlı vəziyyətə müdaxilə edib və 51 bəyanat verib.

A.Dezir Türkiyə, Ukrayna və Rusiyada bir neçə jurnalistin azadlığa buraxılmasını alqışlayıb.

“Mən Azərbaycanda Əfqan Muxtarlının hələ də həbsdə saxlanılmasından çox narahatam”, – A.Dezir deyib.

Beynəlxalq təşkilatın nümayəndəsi Əfqan Muxtarlının və ATƏT regionunda digər jurnalistlərin azad edilməsi üçün səylərini davam etdirəcəyini vəd edib.

Araşdırmaşı-jurnalist Əfqan Muxtarlı 2017-ci ilin mayında Tbilisidə oğurlanaraq Azərbaycana gətirilib. Məhkəmə onu qaçaqmalçılıq, sərhəddi qanunsuz keçmə və sərhədçiyə qarşı zorakılıq ittihamı ilə 6 il azadlıqdan məhrum edib.

Avropa Parlamenti, beynəlxalq hüquq-müdafiə təşkilatları Ə.Muxtarlının həbsini pisləyiblər.

“Amnesty International” beynəlxalq insan haqları təşkilatı onu “vicdan məhbusu” kimi tanıyıb.

шаблоны для dle 11.2



Ən çox oxunanlar
Reklam

Xəbər lenti
Baş Redaktor: Azər Talıbov      
Bizimlə Əlaqə : Tel - (050) 378 66 61 / (077) 271 55 66       E-mail : anaxeber.az@gmail.com
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.info © 2014
Designed by: Daraaz.net