Ana səhifə

Deputat: Xəzərin hasarlanmış sahəsi bir nəfərin, bir neçə ailənin ixtiyarına verilə bilməz

    Tarix: 28-06-2019 08:41   
 

''Dənizin sahilini turizm zonasına çevirmək mümkündür''
"Xəzər dənizinin sahili başdan-başa hasarlanıb, insanların istirahətinə imkan verilmir. Qamışdan, taxtadan gecəqondularla oranı çimərliyə çeviriblər, sonra da obyektlərin hərəsi bir qiymət qoyur".
Deputat Fəzail Ağamalı parlamentin iclasında bu məsələni qaldırıb. O bildirib ki, qanunvericilikdə dəyişiklik edərək bununla bağlı sərtləşdirmə həyata keçirmək lazımdır:
"Dənizin sahilini turizm zonasına çevirmək mümkündür. Bu hasarlanmalar aradan qaldırılmalıdır. Xəzər dənizinin kilometrlərlə hasarlanmış sahəsi bir nəfərin, bir neçə ailənin ixtiyarına verilə bilməz”.

O, Xəzərin çirklənməsi məsələsinə də toxunub:
"Dənizinin Azərbaycan hissəsinə diqqət yetirsək, çox təəssüfedici mənzərə ilə üz-üzə qalırıq. Dəniz Nabrandan başlayaraq Abşeron ərazisinə qədər çirklidir. Bu natəmizlik aradan qaldırılmalıdır. Elə etmək lazımdır ki, dənizin sahilində ərazilər tam təmiz olsun və ətraf mühitə zərər yetirilməsin”.
Parlamentin vitse-spikeri Valeh Ələsgərov isə deyib ki, bu məsələlər qanunvericilikdə əksini tapıb, icrasını isə dövlət qurumları həyata keçirməlidir.
Müəlliflər: Meydan TV
шаблоны для dle 11.2



Ən çox oxunanlar
Reklam

Xəbər lenti
Baş Redaktor: Azər Talıbov      
Bizimlə Əlaqə : Tel - (050) 378 66 61 / (077) 271 55 66       E-mail : anaxeber.az@gmail.com
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.info © 2014
Designed by: Daraaz.net