Ana səhifə

Atambayevin evinə hücum zamanı əsir götürülən xüsusi təyinatlıların ilk görüntüsü yayıldı- VİDEO

    Tarix: 08-08-2019 16:15   

Avqustun 7-də axşam radələrində Qırğızıstanın eks-prezidenti Almazbek Atambayevin Koy-Taş kəndindəki evinə hücum edərkən əsir götürülən xüsusi təyinatlıların ilk görüntüləri yayılıb.

Məlumata əsasən, yerli vaxtla saat 21:00-da xüsusi təyinatlılar Qırğızıstanın keçmiş prezidentinin iqamətqahına daxil olublar. Saat 22:00-da isə sabiq dövlət başçısının tərəfdarları evə daxil olub, xüsusi təyinatlıların müqavimətini qıraraq onları evdən çıxarmağa başlayıblar.

Hazırda A.Atambayevin tərəfdaşları bir neçə xüsusi təyinatlını hələ də əsir saxlayır. Onların ilk görüntüsü də yayılıb.


Ümumilikdə qarşıdurma nəticəsində 48 nəfər müxtəlif xəsarətlərlə xəstəxanaya yerləşdirilib, onlardan 24-ü polis əməkdaşıdır. Xüsusi təyinatlılardan biri güllə yarasından ölüb.

Qeyd edək ki, Qırğızıstanda 2017-ci ildə prezident postunu tərk edən A.Atambayev barəsində parlament araşdırılması aparılır. Nəticələr üç ay ərzində onların əsasında cinayət işi qaldırmaq hüququna malik olan Baş Prokurorluğa təhvil verilməlidir.

Bu ilin iyun ayında deputatlar keçmiş dövlət başçısını toxunulmazlıq və eks-prezident statusundan məhrum ediblər. Eləcə də, mütəşəkkil cinayətkar qrupun üzvlərinə silah verilməsi, gəlirlərin gizlədilməsi və korrupsiya daxil olmaqla, A.Atambayevə qarşı doqquz maddə üzrə ittiham irəli sürüb. (oxu.az)



шаблоны для dle 11.2



Ən çox oxunanlar
Reklam

Xəbər lenti
Baş Redaktor: Azər Talıbov      
Bizimlə Əlaqə : Tel - (050) 378 66 61 / (077) 271 55 66       E-mail : anaxeber.az@gmail.com
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.info © 2014
Designed by: Daraaz.net