Ana səhifə

Ümumdünya Səhiyyə Təşkilatının qorxunc proqnozu - PLANET ƏHALİSİNİN ÜÇDƏ İKİSİ HƏMİN VİRUSA YOLUXACAQ...

    Tarix: 14-02-2020 11:19   


Çini bürüyən və rəsmi olaraq COVİD-19 adlandırılan koronavirusa Yer kürəsi əhalisinin üçdə ikisi yoluxa bilər.

Virtualaz.org “Bloomberg”ə istinadən xəbər verir ki, belə qorxunc proqnozla Ümumdünya Səhiyyə Təşkilatının müşaviri, biostatist və epidemioloq Ayra Longini çıxış edib.

Longinin hesablamalarına görə virus hər xəstə adamdan orta hesabla 2-3 sağlam adama keçir. Üstəlik ekspress-testlərin olmaması da virusun yayılmasına imkan yaradır. “Təcridetmə və karantin virusu dayandıra bilməz”,-o bildirib.

Çinin dövlət səhiyyə Komitəsinin açıqladığı son məlumata görə bu ölkədə koronavirusdan ölənlərin sayı 1500-ə çatıb, yoluxanların rəsmi sayı isə 65  minə yaxınlaşır. Ölüm halları son sutkalar ərzində kəskin artıb və indi hər gün orta hesabla 250-300 nəfərin bu virusdan öldüyü bildirilir. 33 mindən çox pasiyent hazırda xəstəxanalardadır.

Virus Çindən başqa daha onlarla ölkədə qeydə alınıb. Azərbaycanda isə səhiyyə rəsmiləri əmin edirlər ki, koronavirusa yoluxma halları baş verməyib.

Virtualaz.org

шаблоны для dle 11.2



Ən çox oxunanlar
Reklam

Xəbər lenti
Baş Redaktor: Azər Talıbov      
Bizimlə Əlaqə : Tel - (050) 378 66 61 / (077) 271 55 66       E-mail : anaxeber.az@gmail.com
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.info © 2014
Designed by: Daraaz.net