Ana səhifə

SOSİAL RİFAH DAVAMLI ŞƏKİLDƏ YÜKSƏLƏCƏK

    Tarix: 17-03-2020 14:48   
 

Sosial yönümlü islahatların reallaşdırılması ölkəmizin daxili siyasətinin
prioritet istiqamətlərindən biridir və bu sahədə dövlət tərəfindən aparılan
genişmiqyaslı tədbirlər 2020-ci ildə də gündən –günə genişlənməkdədir.
Bu fikri Milli Məclisinin deputatı Kamaləddin Qafarov Azərbaycan
Respublikasının Prezidenti İlham Əliyevin Əmək və Əhalinin Sosial
Müdafiəsi naziri S.Babayevi qəbul edərkən səsləndirdiyi fikirlərə münasibət
bildirərkən söyləyib.
K. Qafarov bildirib ki, ötən il həyata keçirilən sosial islahatlar
Azərbaycanda 4,2 milyon nəfərin güzaranının yaxşılaşmasına əhəmiyyətli
dərəcədə kömək etdi. Bu islahatlar paketinin ən önəmli istiqamətlərindən biri
pensiyaların miqdarının artması idi. Azərbaycan üzrə minimum pensiyanın
birdən-birə 72 faiz artımı təmin olundu və bu artım 660 min pensiyaçını əhatə
etdi. Ümumilikdə digər kateqoriyalar üzrə pensiyaçıları da buraya əlavə
etdikdə, 750 min pensiyaçının sosial şəraitinin yaxşılaşdığının şahidi olduq.
Sırf yaşa görə orta aylıq pensiyanın 350 manata çatdırılması isə bu sahədə
cari səylərin əsas hədəfidir.
Millət vəkili qeyd edib ki, memarı və əsas istiqamətvericisi Azərbaycan
Respublikasının Prezidenti möhtərəm İlham Əliyev olan dinamik və davamlı
islahatların əsas məramı ölkədə işsizliyin səviyyəsinin azaldılaraq minimuma
çatdırılması, əhalinin istehsal və xidmət sahələrinə cəlb olunması və
özünüməşğulluq proqramlarının tətbiqi yolu ilə rifahının yüksəldilməsinə
nail olmaq, əhalinin sosial qayğıya ehtiyacı olan təbəqələrinin həyat şəraitini
yaxşılaşdırmaqdır. Bu strateji hədəflərinin reallaşdırılması üçün bu il ölkədə
daha 8 DOCT Agentliyinin yaradılması, özünüməşğulluq proqramlarına 11min
ailənin cəlb edilməsi, 85-90 min ailənin ünvanlı sosial yardım proqramı ilə
əhatə olunması, şəhid ailələri və müharibə veteranları üçün 1500 evin tikilib
istifadəyə verilməsi nəzərdə tutulur.

Millət vəkili Kamaləddin Qafarovun fikrincə, dünyanın əksər ölkələrini
bürümüş koronavirus təhlükəsi səbəbli neft gəlirlərinin azaldığı bir dönəmdə
Azərbaycan Respublikasının Prezidenti möhtərəm İlham Əliyevin islahatların
daha da şaxələndirilməsi və inkişaf etdirilməsi mesajini verməsi çox
ibrətamizdir. Prezidentimizin bəzi məmurlara sərt xəbərdarlığı, neqativ hallara
qarşı amansız mübariz anonsunu verməsi həm cəmiyyəti ümumi bəlaya qarşı
səfərbər edir, həm də hər bir vətəndaşın konkret şəraitdə vəzifələrini bir daha
aydın şəkildə müəyyənləşdirir.шаблоны для dle 11.2



Ən çox oxunanlar
Reklam

Xəbər lenti
Baş Redaktor: Azər Talıbov      
Bizimlə Əlaqə : Tel - (050) 378 66 61 / (077) 271 55 66       E-mail : anaxeber.az@gmail.com
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.info © 2014
Designed by: Daraaz.net