Ana səhifə

“MƏMURLAR O qədər harınlayıblar ki, ƏLİYEVİN maşınında gəzmək istəyirlər”

    Tarix: 02-07-2019 10:03   

 




“Belə məmurlar bölgələrdə narazılıqlar yaradaraq, xarici kəşfiyyatın “əlinə oynayırlar”.


Bu fikirləri Yenicag.az-a açıqlamasında Kəlbəcər Rayon İcra Hakimiyyətinin xidməti istifadə məqsədilə 200 min manat qiyməti olan “Mercedes-Benz S350” avtomobili üçün tender qərarına münasibət bildirən Müasir Müsavat Partiyasının (MMP) sədri Hafiz Hacıyev deyib.

Partiya sədrinin sözlərinə görə, yerli məmurların belə hərəkətləri harınlığın göstəricisidir:

“Bunlar o qədər harınlayıblar ki, prezidentin maşınında gəzmək istəyirlər. “Naz Lifan” bir yana, heç adi “Mercedes”i də bəyənmirlər. Dövlətin o bahalı maşınlara nə qədər pul xərclədiyini düşünmürlər. Bu yaxınlarda Ağcabədi icra başçısının da “kortej”lə gedib-gəldiyini gördük. Açığı, Kəlbəcərin icra başçısı Aqil Məmmədovu yaxşı insan kimi tanıyıram. Onun bu cür harınlıq və özbaşınalıq edəcəyinə inanmaq istəmirəm. Ancaq əksər məmurlar ölkədə özbaşınalıq yaransın deyə, hər yola əl atır, bilinmir ki, onlar haradan və kim tərəfindən idarə olunurlar. Belə məmurlar bölgələrdə narazılıqlar yaradaraq, xarici kəşfiyyatın “əlinə oynayırlar”.
шаблоны для dle 11.2



Ən çox oxunanlar
Reklam

Xəbər lenti
Baş Redaktor: Azər Talıbov      
Bizimlə Əlaqə : Tel - (050) 378 66 61 / (077) 271 55 66       E-mail : anaxeber.az@gmail.com
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.info © 2014
Designed by: Daraaz.net