Ana səhifə

Bolton Kim Çen Inı Qəddafi kimi parçalamaq istəyirdi - TRAMPDAN SENSASİON BƏYANAT

    Tarix: 12-09-2019 08:08   
 


ABŞ Prezidenti Donald Tramp, milli təhlükəsizlik üzrə keçmiş müşaviri Con Boltonun Şimali Koreya ilə Liviya modeli üzrə işləmək fikrinin səhv olduğunu söyləyib.

Virtualaz.org bildirir ki, bu barədə TASS məlumat yayıb.

"Con mənim yaxşı münasibətlərim olan bir insandı. Ancaq bəzi səhvlərə yol verdi. Onun Kim Çen In üçün" Liviya modeli" haqqında danışması səhv idi. Liviya lideri Müəmmar Qəddafi ilə nə baş verdiyinə baxın. Belə bir açıqlama vermək lazım deyildi. Bu bizi yalnız geri atdı. Bolton çox sərt oğlan idi",-deyə Tramp jurnalistlərə bildirib.

Prezident qeyd edib ki, Kim Çen Inı Boltonla münasibət qurmaq istəmədiyi üçün günahlandırmır. Tramp əlavə edib ki, Şimali Koreya ilə danışıqların getdiyi bir vaxtda Liviya yanaşmasını təklif etmək heç də ağıllı hərəkət deyildi.


O, Boltonun istefası barədə qərarın necə verildiyini də izah edib.

"İstefa verməmişdən bir gün əvvəl gecə yanıma gəldi ... mənimlə üzbəüz oturdu və mən dedim: "Con, əgər bu qədər insanla razılıq əldə edə bilmirsinizsə və bir çoxumuz, mən də daxil olmaqla, sizin taktikanızla razı deyiliksə, istərdim istefa verəsiniz”. Və o bunu etdi. Ümid edirəm ki, onda hər şey yaxşı olacaq",-deyə Tramp vurğulayıb.

Con Bolton 2018-ci ilin mart ayında milli təhlükəsizlik müşaviri vəzifəsinə təyin edilməzdən əvvəl verdiyi bir müsahibədə qeyd etmişdi ki, Şimali Koreya ilə danışıqların yeganə variantı Liviya modelindən istifadə etməkdir.

Virtualaz.org

шаблоны для dle 11.2



Ən çox oxunanlar
Reklam

Xəbər lenti
Baş Redaktor: Azər Talıbov      
Bizimlə Əlaqə : Tel - (050) 378 66 61 / (077) 271 55 66       E-mail : anaxeber.az@gmail.com
Məlumat internet səhifələrində istifadə edildikdə müvafiq keçidin qoyulması mütləqdir.

Anaxeber.info © 2014
Designed by: Daraaz.net