Bu il 999 azərbaycanlı Almaniyadan sığınacaq istəyib

Bu il 999 azərbaycanlı Almaniyadan sığınacaq istəyib

1-08-2019, 08:24

768 nəfərin qaçqın statusu haqqında müraciətinə rədd cavabı verilib
2019-cu ilin ilk altı ayı ərzində 999 Azərbaycan vətəndaşı Almaniyadan sığınacaq istəyib. Məlumatı Almaniyada fəaliyyət göstərən “Leqat” İnteqrasiya Mərkəzi yayıb.
Məlumatda deyilir ki, qaçqın statusu almaq üçün Almaniya Miqrasiya və Qaçqınlarla iş üzrə Federal İdarəyə (BAMF) müraciət edən 999 azərbaycanlıdan 706 nəfəri ilk dəfə, 293 nəfəri isə təkrar ərizə ilə müraciət edən şəxslərdir.
“2019-cu ilin 6 ayı ərzində qaçqın statusu üçün müraciətlər üzrə 1400 qərar qəbul edilib. Onlardan 6 nəfərinin sığınacaq haqqında ərizəsi üzrə müsbət cavab, 46 nəfərə qaçqın statusu verilib”.
Mərkəz bildirir ki, qaçqın statusu haqqında qanunun 41-ci paraqrafına əsasən, 15 nəfərin subsidiar müdafiə haqqında ərizəsi üzrə müsbət qərar qəbul edilib. Almaniyada yaşayış yeri haqqında qanunun 60-cı paraqrafının V və VII hissələrinə əsasən, Azərbaycana deportasiyanı qadağan edən hallar mövcud olduğu üçün 7 nəfərə müvəqqəti yaşayış icazəsi verilib:
“Beləliklə, 6 ay ərzində cəmi 74 nəfərin müraciəti üzrə BAMF müsbət qərar qəbul edib və onlara Almaniyada müvəqqəti yaşayış icazəsi verib.
768 nəfərin qaçqın statusu haqqında müraciətinə isə rədd cavabı verilib. Almaniyada qaçqın statusu haqqında ərizəsinə baxılmasının mümkünsüzlüyü nəzərə alınan 558 nəfərin müraciətinə baxılmaqdan imtina edilib. Buna Dublin müqaviləsinə əsasən, başqa ölkələrə göndərilməsi gözlənilən şəxslər, müraciətdə qaçqın statusu əlamətlərinin olmaması və s. hallar aiddir.
Bu isə o deməkdir ki, ümumilikdə 1400 nəfərdən 1326 nəfərə bu və ya digər formada rədd cavabı verilib”.
ReAL Hərəkatının icra katibi, iqtisadçı Natiq Cəfərli deyir ki, Azərbaycan vətəndaşlarının xaricə axını son illər daha da güclənib:
“İnsanlar həm iş, həm də daimi yaşayış üçün xaricə üz tuturlar. Səbəb isə birdir - iqtisadi böhran, gəlirlərin azalması, sosial vəziyyətin pisləşməsi, siyasi təqib, perspektivsizlik. Köç istiqamətləri də müxtəlifdir. Əsasən, Türkiyə, Almaniya, Çexiya, Rusiya, Kanadanı seçirlər’’.
2016-cı ildə Almaniyaya sığınacaq üçün 4750 nəfər azərbaycanlı müraciət edib. Bu da 2015-ci illə müqayisədə 3 dəfə çox olub.
Bir neçə gün öncə Almaniyanın Deggendorf şəhərində mühacir həyatı yaşayan Humay Məmmədova deportasiya edildiyi üçün intihar edib. O çoxlu dərman atıb. Xəstəxanaya çatdırılsa da, 15 gün ərzində ölüb. Səhhətində problem olan qadının 9 yaşlı qızı qalıb.
“Leqat” İnteqrasiya Mərkəzinin rəhbəri Əlövsət Əliyev bildirib ki, son 3 ayda 7 adam Dublin müqaviləsinin tələblərindən yayınmaq üçün özünə qəsd edib. Dublin sazişinə görə mühacir birinci növbədə viza aldığı ölkəyə getməlidir və qaçqın statusu üçün orada müraciət etməlidir. Azərbaycandan Almaniyaya gələn vətəndaşların əksəriyyəti isə digər ölkələrin vizaları ilə gəlir:
“Bakıda fəaliyyət göstərən turizm şirkətlərinin çoxu vətəndaşları aldadaraq bir ölkənin vizası ilə “qaçqınlıq statusunu alarsız” deyib başqa ölkəyə göndərirlər. Sonra isə həmin şəxslərin qaytarma prosesi başlayır. Almaniya hökuməti görəndə ki, gələnin sənədləri saxtadır və onu ölkəsində heç bir təhlükə gözləmir, dərhal həmin adamı geri göndərir. İnsanlar bundan özünü qorumaq üçün intihara əl atırlar. Bəziləri Azərbaycana qayıtmamaq üçün, bəziləri isə Almaniyadan getməmək üçün”.
Ötən il, iyunun 18-də 51 azərbaycanlı Almaniyadan deportasiya edilib. Çarter reysi ilə Azərbaycana göndərilənlər Almaniyanın Bamberq, Waldsassen, Üiesburq, Kürten ( Bergisch Gladbach), Hoff, Rhede, Bocholt və digər şəhərlərində yaşayanlar olub.
Deportasiyanın isteriya ilə qarşılanma halları yeni deyil. Azərbaycanlılar arasında özünəqəsd, polisə müqavimət və immiqrasiya xidmətinin əməkdaşlarının girov götürülməsi halları da baş verib.

Digər xəbərlər

Əliyev ilə Putin görüşəcək

Azərbaycan İran-İsrail münaqişəsinə cəlb oluna bilərmi? - Bakı üçün təhlükələr

KASIBLARLA DOST OLMAYAN NAZİRİN “DOST” TELEVİZİYASI... - Yeni televiziya sosial məsələlərə, yoxsa Babayevin piarına xidmət edəcək?

Avropa Parlamenti Qubad İbadoğlunun məsələsini təcili müzakirəyə çıxarır

Rusiyanın 50 min əsgəri 'ətçəkən maşın' strategiyasının qurbanıdır

"Onların sülhə töhfə verəcəyini göstərən heç nə yox idi": ABŞ-ın sülhməramlıların Qarabağı tərk etməsi haqqında şərhi

“Meclis.info” saytının rəhbəri hava limanında saxlanılıb

AŞPA Putini legitim prezident kimi tanımaqdan imtina edib

Varlı azərbaycanlılar Gürcüstan kazinolarında... - Azərbaycanda bu biznesə icazə verilsə...

Akif Çovdarovun 30 milyon manatlıq əmlakına dair yeni qərar: 9 ilə yaxın davam edən çəkişmə bitdi

Moskvanın ABŞ-ı və dünyanı qarışdırmaq üçün məxfi ‘konsepsiyası’ - Qərb mediası

Rusiyanın Cənubi Qafqazda strateji geri çəkilməsi və ya həssas gücdən istifadə

“Bitən sevgilərin ardından...”

Rusiya sülhməramlıları Azərbaycandan gedirmi?

Paris Bakıdan səfirini geri çağırıb

Putinin ordusu Qarabağdan niyə gedir? - 200 illik bir səhifə qapanır...

"Hər ay 15 min manatı Seymur Talıbov mənə sürücüsü vasitəsilə göndərirdi",

Xalqa zəhər yedirən iki məmur - Şahin Bağırov və Qoşqar Təhməzli haqda Baş Prokurora müraciət edildi

Sağlamlığımızı hədəf alan "qranat" - Bu görüntülər ürəyinizi bulandıracaq // VİDEO

Gürcüstanda müxalifət deputatı iqtidar deputatını vurdu. Tbilisidə müddətsiz mitinq başlandı VIDEO

Bərdə Rayon Məhkəməsinin hakiminin özü məhkəmə qarşısına çıxarılır

İsrail İrana nə vaxt və necə cavab verəcək?

Məleykə Abbaszadə millətin gələcəyini və gəncliyini şikəst edir - FAKTLARLA...

İRANIN 2 HƏFTƏYƏ SƏHNƏLƏŞDİRDİYİ “QİSAS ƏMƏLİYYATI” – Tehran öz rolunu uğurla oynaya bildimi?

İran İsrailə hücum etməklə münaqişədə eskalasiya yaradır; ABŞ İrandan atılan mərmilərin zərərsizləşdirilməsində İsrailə yardım göstərir

İsrail və müttəfiqləri İranın pilotsuz təyyarələrini vurmağa başlayıblar

Minlərlə taksi şoferini işsiz qoyan üç məmur üzə çıxdı

Hizbullah İsrailə raketlər atdı, ABŞ İrana xəbərdarlıq etdi

Düşənbə Rusiyada saxlanmış terror şübhəlisi taciklərə işgəncə verilməsini pisləyib

Lavrov Qərbi MDB-ni ələ keçirmək cəhdində ittiham edib