“Atam yaşamaq üçün mübarizə aparır”- İbonun oğlu

Türkiyə musiqisinin imperatoru İbrahim Tatlısəs beyin əməliyyatından sonra reanimasiyaya yerləşdirilib.


“Qafqazinfo” Türkiyə mətbuatına istinadən xəbər verir ki, bu haqda məlumat verən sənətçinin oğlu Ahmet Tatlı Tatlısəsin keçirdiyi beyin əməliyyatından sonra səsləndirilən fikirlərə də sərt reaksiya göstərib. Atasının beyin əməliyyatı keçirdiyini və əməliyyatın riskli olduğunu ifadə edən imperatorun oğlu sosial şəbəkədə İbrahim Tatlısəsin hələ də reanimasiyada olduğunu bildirib:

“Bu haqda yazıb yazmamaq haqda çox düşündüm. Amma mən o atanın oğluyamsa, səbrimin bir həddi var. Atam reanimasiyadadır, yaşamaq üçün mübarizə aparır. O əməliyyatdan əvvəl məndən və hər kəsdən halallıq aldı. Vəziyyəti bu qədər ciddidir. Mövzu ilə bağlı gülərək danışanları anlamıram. Elif Ada və 5 yaşında əllərini Allaha açıb “baba” deyən oğlum qədər qəlbiniz pak olsun, sonra atamn adını ana bilərsiniz”.

Könül