Mir Cəlal Paşayevin toyu oldu - fotolar

Martın 14-də "Buta Palace"da Azərbaycan Millli Aviasiya Akademiyasının rektoru, akademik Arif Paşayevin mərhum qardaşı Aqil Paşayevin oğlunun toy mərasimi keçirilib.
Axşam.az-ın "Qafqazinfo"ya istinadən məlumatına görə, "Pasha Holdinq"in tərkibinə daxil olan "Paşa Həyat Sığorta" şirkətinin Direktorlar Şurasının sədri vəzifəsində çalışan Mir Cəlal Paşayev Zülfiyyə adlı xanımla ailə həyatı qurub. Toy mərasimində hakim ailənin üzvləri, eləcə də Azərbaycanın bir sıra dövlət məmurları, ictimai-siyasi xadimləri iştirak ediblər. Toyda tanınmış estrada müğənniləri çıxış ediblər.
Qeyd edək ki, Aqil Paşayev yazıçı Mir Cəlal Paşayevin kiçik oğludur. Aqil Paşayev bir zamanlar "Abşeron" (indiki "Mariott Abşeron" oteli) mehmanxanasının direktoru, "Parni iz Baku" komandasının konsertlərinin əsas təşkilatçılarından biri olub. O, bir neçə il öncə dünyasını dəyişib.
Xatırladaq ki, Mir Cəlal Paşayev məşhur yazıçı olan babası Mir Cəlal Paşayevin adını daşıyır. O, Azərbaycanın birinci xanımı Mehriban Əliyevanın əmisi oğludur.