"Qardaş belə qızı başından vurub, tez ərə verməlidir"

“Bəzi qızlar var ki, 15 yaşında saçına qaynaq edirlər. İndi qızların üzünə baxırsan, bilmirsən ərə gedib, ya yox. Oxumağa həvəsləri yoxdur. Ata, qardaş görür ki, qız oxumur, götürüb ərə verirlər. Elə buynuz çıxaran qızları qardaşı başından vurub, tez ərə verməlidir”.
Axşam.az-ın məlumatına görə, bu sözləri “Gün üzü” verilişinə qonaq olan əməkdar artist Elza Seyidcahan deyib.

O, ailə qurmayan qızların görünüşlərinə müdaxilə etmələrini qınayıb:
“Qız bir çox şeyləri ərə gedəndən sonra etməlidir. İndi qızlar gəlindən seçilmirlər. Sivilizasiya olanda qız gəlindən seçilməməlidir? Qızımın 26 yaşı var. Hərdən ona deyirlər ki, Elza Seyidcahanın qızısan, sən niyə bu şeyləri etmirsən. Nə olsun mənim övladımdır? Adət-ənənəmiz var. Başı kitaba qarışan qız qaynaq düşünməz. İndikilər hamısı deyir gedim salonda işləyim”.