Mikayıl Cabbarov GDU rektoruna deyib ki, "narahat olma.." - Rektor kimə güvənir?

Son günlər yerli mediada Gəncə Dövlət Universitetində baş verən qanunsuzluqlarla bağlı ilginc faktlar açıqlansa da, nədənsə nə Təhsil Nazirliyi, nə də elə GDU rəhbərliyi bu olaya gərəkən reaksiyanı vermir. Bu münasibətsizliklə bağlı DİA.AZ-a ilginc informasiya daxil olub.

Elə TN-dəki qaynaqlardan sızan informasiyada deyilir ki, bütün bunlarla bağlı nazirliklə universitet arasında ciddi mühakimə aparılıb və nəticədə birbaşa olaraq nazir tərəfindən yekun qərar verilib. Mənbənin dia.az-a söylədikləri:

"Mikayıl Cabbarovun adından GDU rektoruna deyilib ki, onsuz da rektorla bağlı son qərarı elə TN verir və buna görə də mediada yazılanları ciddiyə almasın. Bu isə əslində rektor Yusif Yusibova "nə istəyirsən elə, nazir səni qoruyacaq" təminatı anlamına gəlir".

Hər halda, hətta prezident İlham Əliyevin belə mediada yer alan ciddi tənqidi faktlara reaksiya verdiyi bir dönəmdə GDU rektorunun özünü "dövlət təminatlı" hiss etməsi anlaşılan deyil. Mənbə onu da əlavə edir ki, hətta rektor yerli icra hakimiyyətinin belə bu yazılanlarla bağlı iradlarını belə qəbul etmir ki, bu da sonucda ona baha başa oyura bilər...

Bütün bu iddia olunanlarla bağlı qarşı tərəfi də dinləməyə hazırıq...