İsrail Qəzzanı bombaladı

İsrailin Qəzzanın müxtəlif yerlərinə təşkil etdiyi hava hücumlarında 6 fələstinli yaralanıb.

ANS PRESS-in məlumatına görə, Qəzzanın cənubundakı Əz-Zeytun məhəlləsindəki anbarlardan birinə İsrailin döyüş qırıcıları tərəfindən bombalı hücum təşkil edilib.

Məhəllədə baş verən bombalı hücum 1-i qadın, 1-i uşaq olmaqla, 6 fələstinlinin yaralanmasına səbəb olub. Anbar yaxınlığında olan evlərə də zərər dəyib.

Bundan başqa, İsrail döyüş təyyarələrinin Qəzzanın cənubunda yerləşən Xan Yunus şəhərində boş bir əraziyə də hücum təşkil etdiyi, hücumda ölən və yaralananın olmadığı bildirilir.