Moskvada azərbaycanlını öldürən rus faşistləri tutuldu

Moskvada Azərbaycan vətəndaşını qətlə yetirən üç rus millətçisi həbs edilib.

ANS PRESS-in məlumatına görə, millətçilər iyunun 2-də Zaur Alışevə ağır bədən xəsarətləri yetiriblər. Onlar Rusiyanın “Restrukt” milliyyətçi hərəkatının üzvü olublar.

Qeyd edək ki, Zaur Alışev aldığı bədən xəsarətindən xəstəxanada keçinib.

Tutulanlar Moskva ali məktəblərinin tələbələridirlər. Onları 15 il həbs cəzası gözləyir.

“Restrukt” hərəkatının liderlərindən biri Maksim Martsinkeviçdir ki, hazırda o, həbsdədir. Hərəkat nasional-sosialist baxışları təbliğ edir.