Almaniya Bundesliqası: oyunlar bərpa olundu

Fotonun müəllifiAFP/GETTY IMAGES

Almaniya futbolunun ən üst divizionu - Bundesliqa koronavirus pandemiyasına görə yaranmış iki aylıq fasilədən sonra oyunları bərpa edib. Matçlar bağlı qapılar arxasında keçir.

Şənbə gününə altı oyun keçirilir. Meydançaya ilk çıxanlar arasında çempionatın liderlərindən biri - Dortmund Borussia komandası Schalke klubu ilə qarşılaşıb.

Bazar günü isə Almaniya paytaxtında Bayern Munich və Union Berlin klubları görüşməlidir. Hazırda Bayern çempionatın lideridır: Münxen klubu 25 oyunda 55 xal toplayıb. Onun ardınca Dortmund Borussia gəlir.

Bundesliqanın oyunları martın 13-də təxirə salınıb.

Sərt sağlamlıq tələblərinə əsasən, stadionda və ya onun ətrafında oyunçu, işçi və rəsmilər də daxil, təxminən 300 nəfərin olduğu bildirilir.

Oyunçular Covid-19 üçün testlərdən keçirilib və meydançadan kənarda sosial məsafəni gözləməlidirlər.

Bundesliqa klubları aprel ayının ortalarında məşqlərə başlayıb. Onların hamısının oyundan əvvəl karantində olduğu bildirilir.