“Gördüyümüz kimi, müəyyən yalvarışlar edərək humanitar əsaslarla atəşkəsə çağırışlar edirdi və belə bir bəyanat da olmuşdu. Ancaq bunun ardınca dərhal Ermənistan silahlı qüvvələri tərəfindən çox təhlükəli bir silahdan – “Toçka-U” raket sistemindən istifadə edərək Gəncədə insanların sıx yaşadığı məntəqəni atəşə tutub”.
Musavat.com xəbər verir ki, bu fikirləri Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Gəncədə hadisə yerində jurnalistlərə açıqlamasında bildirib.
Qeyd edək ki, Azərbaycan Respublikası Baş Prokurorluğunun yaydığı məlumata görə, ermənilərin Gəncə şəhərini raket atəşinə tutması nəticəsində 9 nəfər həlak olub, 34 nəfər yaralanıb.
Onu da qeud edək ki, Toçka – taktiki raket kompleksi olub, yyer-yer tipli raket növünə aid (NATO kod adı:SS-21 Scarab) olub .Rusiyanın  Kolomna "Maşınqayırma konstruktor bürosu"nda istehsal edilir. Bu sistem Toçka-U (9К79-1) adını almışdır. Sistemin yüklənməsi və hazır vəziyyətə gətirilməsi üçün 16 dəqiqə vaxt lazım olur.