Polisi döyən deputat Eldəniz Səlimov həbsdə kiminlə eyni kamerada qalır?

Polisi döyməkdə ittiham edilərək həbs olunan deputat Eldəniz Səlimov Bakı İstintaq Təcridxanasında saxlanılır.
Musavat.com xəbər verir ki, deputatın kamerada kiminlə saxlanılması ilə bağlı vəkil Cavad Cavadov məlumat paylaşıb.
Vəkil qeyd edib ki, deputatla birlikdə daha 7 nəfər də eyni kameranı bölüşür.
Onlardan biri də ilahiyyatçı Taleh Bağırzadənin rəhbərlik etdiyi Müsəlman Birliyi Hərəkatının üzvü Razi Hümbətovdur.
Vəkil bir kamerada 8 nəfərin saxlanılmasının sıxlığa səbəb olduğunu qeyd edib.
Xatırladaq ki, Razı Hümbətov külli miqdarda narkotik vasitə əldə etmə və satma ittihamı ilə həbs edilib. O, ittihamları qəbul etmir.

İlkin Muradov
Musavat.com