Ukrayna daxili işlər nazirinin müşaviri Anton Geraşenko bildirib ki, ukraynalı desantçılar Qostomel aerodromunu düşməndən təmizləyib. Hal-hazırda aerodrom Ukrayna Silahlı Qüvvələrinin nəzarəti altındadır.
“Bir saat əvvəl vertolyotlarda olan paraşütçülərimiz idarə olunmayan reaktiv mərmilər ilə Qostomel aerodromunu “işlədib”, sonra yerə enərək ərazini düşməndən təmizləyiblər. Sağ qalan rusiyalı paraşütçüləri ətrafdakı meşələrə və tarlalara qaçıblar”, - Geraşenko öz Telegram kanalında yazıb. O, tezliklə Ukrayna Silahlı Qüvvələrindən rəsmi məlumatın çıxacağını bildirib.
***
23:56
Ukrayna Qostomeldə mövqelər uğrunda vuruş: döyüş davam edir.
Bu barədə “Ukrainska Pravda” xəbər verir.