Kiyevdə küçə döyüşləri başlayıb YENİLƏNİB

Ukraynanın paytaxtı Kiyevdə küçə döyüşləri başlayıb.
Report"un Şərqi Avropa bürosunun məlumatına görə, Kiyevin Şevçenkovskiy rayonu ərazisində, o cümlədən "Beresteyska" və "Şulyavska" metrostansiyaları yaxınlığında ağır döyüşlər gedir.
Döyüşlər getdikcə şiddətlənir.
***
"Ukrayna Silahlı Qüvvələri Rusiyanın diversiya-kəşfiyyat qruplarını Kiyevdən sıxışdırıb çıxarır. Döyüşlər davam edir".
“Report” UNİAN-a istinadən xəbər verir ki, bunları Ukrayna Ali Radasının Milli Təhlükəsizlik, Müdafiə və Kəşfiyyat Komitəsinin sədr müavini Maryana Bezuqlaya fevralın 26-da səhər saat 4:26-a olan Kiyevdəki vəziyyətlə bağlı feysbuk hesabında yazıb.
Qeyd edək ki, fevralın 26-na keçən gecə Kiyevin bir sıra rayonlarında partlayış səsləri eşidilib. Beresteyskada işğalçılar hərbi hissəni ələ keçirməyə cəhd ediblər, lakin Ukrayna Silahlı Qüvvələri onların qarşısını alıb. İndi sağ sahildə vəziyyət gərgin olaraq qalır.