“Moskva” kreyserinin vurulması ilə bağlı SENSASİYA: ABŞ gizli olaraq...

Qara dənizdə Rusiyanın “Moskva” kreyserinin Neptun raketləri ilə vurulması zamanı Ukrayna tərəfi ABŞ-dan kəşfiyyat məlumatı alıb.
Bu barədə CNN-ə ABŞ müdafiə nazirliyindəki vəziyyətlə tanış olan mənbələr bildirib.
“Qara dənizdə Rusiyaya məxsus döyüş gəmisini görən Ukrayna qüvvələri onun həqiqətən də Moskva kreyseri olduğunu təsdiqləmək üçün Amerika tərəfi ilə əlaqə saxlayıb. Amerika tərəfi bunun “Moskva” kreyseri olduğunu deyib”,- deyə mənbə bildirib.
Eyni zamanda, ABŞ-ın Ukrayna tərəfinin kreyserə zərbə hazırladığı haqqında məlumat dəqiq deyil. Ukrayna Silahlı Qüvvələri bu barədə müstəqil qərar verib və ABŞ gəminin vurlmasına qarışmayıb.
Bu məlumatı cümə axşamı adı çəkilməyən rəsmilərə istinadən “NBC News” də təsdiqləyib.
Xatırladaq ki, Rusiya Müdafiə Nazirliyi “Moskva” kreyserinin təyinat limanına çəkilməsi zamanı sursatların partlaması nəticəsində yanğın baş verdiyini bildirimişdi. Yanğından gövdəyə ziyan dəydiyi üçün gəmi dayanıqlığını itirib və fırtınalı dənizdə batıb.
Ukrayna Silahlı Qüvvələrinin Baş Qərargahı kreyserin Ukrayna istehsalı olan “Neptun” tipli iki gəmi əleyhinə raketlə vurulduğunu bildirib.

• musavat.com