Sərkisyan Papa ilə görüşəcək

Ermənistan prezidenti Serj Sərkisyan bu gün Vatikana rəsmi səfər edəcək.

Bu barədə azvision.az erməni KİV-nə istinadən xəbər verir.

Ermənistan prezidentinin mətbuat xidmətinin yaydığı məlumata görə, Sərkisyan səfər zamanı Roma Papası Fransisklə görüşəcək. Bundan əlavə Ermənistan prezidentinin “Müqəddəs taxt”ın dövlət katibi, kardinal Petro Parollini ilə də görüşəcəyi bildirilir.

Sərkisyan həmçinin Vittoriano muzey kompleksində “Şərq nağılı: Xristianlıq yeni minilliyin çağırışları qarşısında” fotosərgisinə qatılacaq və orada çıxış edəcək.