“Barselona”nın iki futbolçusu sıradan çıxdı

“Barselona” futbol klubu uğursuzluq zolağından çıxa bilmir. Komandanın həkimlər briqadası İspaniya kuboku uğrunda final görüşündə zədələnən Neymar və Alba ilə bağlı xoş olmayan proqnoz açıqlayıblar.
Neymarın sol ayağının sümüyündə ciddi zədə aşkarlanıb. Alba isə sağ ombasının əzələsindən zədələnib. Hər iki futbolçunun ən azı 3-4 həftə oynaya bilməyəcəyi vurğulanır.
Diz əzələsindən zədələnən müdafiəçi Mark Bartranın “Atletiko” ilə oyunda iştirakının mümkünlüyü barədə isə bir gün sonra qərar veriləcək.