Son günlər ölkə mediasında
Ramiz Mehdiyev və
Əli Həsənov cütlüyünün xəyanətləri, korrupsiya faktları və digər qanunsuz hərəkətləri ilə bağlı ciddi faktlara əsasən yazılar işıqlandırılır, sabiq məmurların dövlətçiliyə etdiyi sobataj sərt şəkildə tənqid edilir. Amma bütün bu yazılarda bir nüans yaddan çıxır. Bu da əlbəttə ki, müəyyən mənada məlumat qıtlığından irəli gəlir. Söhbət dövlətə dərin xəyanətin tərkib hissəsi olan çevrilişə cəhddən gedir. Gəlin ötən bir ilə nəzər salaq.
8 oktyabr 2019-cu il.
Prezident İlham Əliyevin Sərəncamı ilə Baş nazir
Novruz Məmmədov vəzifəsindən azad edildi. Hələ ötən il bununla bağlı dövlət başçısının qətiyyətli addımı cəmiyyətdə böyük rezonans doğurdu.
2018-ci ilin aprelin 21-də baş nazir vəzifəsinə təyin olunan və
Milli Məclisdə kəhkəşanlı nitq söyləyən
Novruz Məmmədovun təxminən ilyarımdan sonra siyasi karyerasının sona çatması ölkədə gedən proseslərlə az-çox maraqlanan hər kəsdə xeyli suallar doğurdu.
Məsələnin məğzi isə cəmiyyətə bu günə qədər tam aydın olmadı.
Qeyd edək ki, bu, o vaxtlar idi ki,
Prezident İlham Əliyevin ağır xəstəliyə düçar olması haqqında şaiyələr gəzirdi. Sevinc Osmanqızı və digər mühacir internet resursları ağına-bozuna baxmadan bu məlumatları yaymaqla cəmiyyətdə çaşqınlıq yaratmağa çalışır, ölkənin faktiki idarə olunmaması barədə rəy formalaşdırmağa çalışırdılar.
Görünən isə o idi ki, məkrli plan işə düşmüşdü. Fransız dili müəllimi
Ramiz Mehdiyev və
Əli Həsənovun qurduğu oyuna düşmüşdü. Həmin oyunun bir epizodu isə onun
Azərbaycan tarixində ən qısa ömürlü baş nazir kimi tarixə düşməsinə səbəb olmuşdu.
Belə ki, N.Məmmədov dar çərçivədə görüşlərindən birində demişdi ki, “biz situasiyanı tam nəzarətə götürməli, hakimiyyəti heç kəsə verməməliyik”. Bu söhbətlərdə isə
Əli Həsənov,
Ramiz Mehdiyev və adı bizə məlum olmayan başqa yüksək çinli məmur iştirak etmişdi.
Hadisələrin sonrakı inkişafı bəllidir. Bilərəkdən və ya bilməyərəkdən hadisələrin mərkəzində olan
Novruz Məmmədov gözlənilmədən baş nazir portfelini itirməli olur. Ardınca isə ötən ilin yay aylarında
Prezident Administrasiyasında əsl təlatüm baş verir. Xəyanətkar şəbəkənin üzvü
Əli Həsənov faş edildiyini hiss edib hiyləgərcəsinə xəstəliyini əsas gətirərək iş otağından əşyalarını yığışdırıb istefa verməyə hazırlaşır. Ancaq ölkə rəhbərliyinin müdrikliyi və hadisələrə soyuqqanlılığı onun istefasını hələ ki gerçəkləşdirmir.
Xatırladaq ki, hələ ötən ilin sentyabr ayında KONKRET.az
Ramiz Mehdiyevin tez bir zamanda vəzifədən gedəcəyini, onun yerinə daha təcrübəli, gənc və intellektual bir kadrın gətiriləcəyi barədə məlumata diqqəti çəkmişdi. O zaman bu yazı saytdan dərhal çıxarılmışdı. Çünki qabaqcadan belə xəbərlərin yayılması xəyanətkar şəbəkənin ifşa edilməsinin qarşısını ala bilərdi.
Ancaq KONKRET.az-a məlum olmuşdu ki,
Ramiz Mehdiyev məkrli planını işə salmamışdan qabaq
Əli Həsənovla münasibətlərinin korlandığı haqqında şaiyələri cəmiyyətdə yaymağa başlamışdı. Həmin şaiyələrdə bildirilirdi ki, Ə. Həsənov özünün sadiq silahdaşı
Ramiz Mehdiyevi onun düşmənlərinə satmışdı.
Xəyanətin içində olan
Əli Həsənov isə gizli planlarını məharətlə həyata keçirə bilirdi. Xalqın Əli Kərimova olan etimadsızlığı, yeknəsək tənqidləri müqabilində o, özünün ən yaxın dostu Qurban Məmmədovla gizli görüşlər keçirir və xüsusi tezislər verərək ölkəni müvəqqəti tərk etməyi tapşırır. Mühacir müxalifətçi kimi Qurban Məmmədova tapşırılır ki, bir müddət bu tezis əsasında olduqca radikal çıxışlar etsin, getdikcə böyük auditoriyaya “
Azərbaycanda Heydərizm” başlığı ilə ayrı-ayrı və
Əli Kərimlidən fərqli mövzular təbliğ edilsin. Məqsəd isə ölkədə
Heydər Əliyev irsini dağıtmaq, bu tarixi şəxsiyyət haqqında əsası olmayan, tükürpədici məlumatları cəmiyyətə sırımaq və dövlətçiliyin əsasını sarsıtmaq idi.
Dövlət çevrilişini etmək üçün
Əli Həsənova sadiq kadrlar ölkənin bəzi televiziya rəhbərliyinə də gətirilmişdi. Çünki elan olunacaq çevrilişə don geyindirmək üçün televiziya tribunasına ciddi ehtiyac var idi. Belə missiyanı isə canla-başla, iş otağında onun zənginə hətta ayaq üstə danışmağı özünə şərəf bilən “kadrlar” həyata keçirə bilərdi.
Bu istiqamət
Ramiz Mehdiyevə rahat şəkildə dövlət çevrilişini etməyə imkan yaradacaqdı. Mükəmməl işlənilən planın icrası onların istədiyi kimi getmirdi.
Bu işlərə mane olan isə
Əli Həsənovun hədsiz nəfsi, dövlətə, xalqa və
Prezident İlham Əliyevə sadiq olan məmurların ləkələnməsi, şantaj edilməsi oldu. Bunların arasında yeni təyin olunan nazirlər, tanınmış diplomatlar və digər yüksək rütbəli şəxslər var idi.
İşin maraqlı tərəfi o idi ki,
Ramiz Mehdiyev ona belə bir tapşırıq verməmişdi.
Məsələnin digər tərəfi haqqında. KONKRET.az olaraq əlimizdə olan digər etibarlı mənbələr bildirirdi ki,
Ramiz Mehdiyevdə hələ PA rəhbəri olduğu dövrdə
İlham Əliyev və onun ailə üzvlərinə qarşı qisasçılıq hissi formalaşmışdı. O, bu hissini gizlətməyə çalışsa da, buna müvəffəq olmamışdı. Artıq müxtəlif kluarlarda belə bir yekdil rəy formalaşmışdı ki, ölkədə tüğyan edən korrupsiya, rüşvətxorluq, məmur özbaşınalığı məhz onun himayəsində olduğu üçün bu,
İlham Əliyevin komandasının islahatçı qanadı tərəfindən gec-tez ifşa olunacaq. Həmin fikirlərin əsas qayəsi bu idi ki, dövlət başçısı əsasən uğurlu xarici siyasət həyata keçirərkən dövlət idarəçiliyini
Heydər Əliyevin yaxın silahdaşlarına etibar edib. Lakin Səfəvi xanədanının qüdrətli hökmdarlarından biri olan I Təhmasib kimi
İlham Əliyev də çevik hərəkət etməklə nə qədər çətin də olsa, paralel olaraq islahatlara başlayır, “ASAN xidmət” kimi sistem yaratmaqla inqilabi dəyişikliyin əsasını qoyur. Dövlət strukturlarında, icra hakimiyyətlərində və hüquq-mühafizə orqanlarında iyrənc miqyasda olan rüşvətin qarşısı alınır. Bütün bu addımlar, əlbəttə, Mehdiyevin əsəblərini tarıma çəkir, özünün qurduğu korrupsiya sistemi vasitəsilə yüksək çinli məmurlara təsir vasitəsini getdikcə azaldır.
Belə olan halda
Ramiz Mehdiyev və
Əli Həsənovun “B” planı işə düşür.
Cəmiyyətdə müəyyən nüfuzu və hörməti olan, cəfakeş obrazı ilə tanınan Qurban Məmmədov qəfildən oyuna daxil olur.
Sual oluna bilər ki, axı necə olur ki, həbsdən çıxandan sonra idarə olunan Qurban Məmmədov sonradan böyük əmlaka sahib olsa da, (bu barədə mətbuatda kifayət qədər məlumat gedib) mühacir həyatına üstünlük verir? Cavab aydın və sadədir.
Əli Həsənov onu inandırır ki, bir müddətdən sonra o, Əliyevlərin olmadığı
Azərbaycana təntənəli və qəhrəman şəkildə qayıdacaq.
Əli Həsənov onun maliyyəsini də qabaqcadan həll edir. Qurban Məmmədovun bank hesabına pulların bir qismi Türkiyə vasitəsilə,
Əli Həsənova yaxın jurnalistlərdən birinin əli ilə ötürülürdü. Xatırladaq ki, Ə.Həsənovun Türkiyədə otel və restoranlar şəbəkəsi, zavod və fabrikləri, eləcə də daşınmaz əmlak biznesi fəaliyyət göstərir. Təbii ki, onun oliqarx qohumları ilə şərikli biznes
imperiyası da nəzərdən qaçırılmamalıdır. Onlardan biri
Azərbaycan Həmkarlar İttifaqları Konfederasiyasının sədri Səttar Mehbalıyevdir.
Qayıdaq yenə də Qurban Məmmədova.
Avropada
Azərbaycan Prezidenti əleyhinə müxalifətin formalaşmasında Qurban Məmmədov tək buraxılmır.
Bakının mərkəzində dəyəri milyonlarla ölçülən mənzillər və qeyri-yaşayış sahəsinin verilməsinin təşəbbüskarı
Ramiz Mehdiyev və
Əli Həsənov olsa da, bu işin icrası və sponsorluğunu təkcə onlar yerinə yetirmirdi.
Şəbəkənin içində Nərimanov Rayon İcra Hakimiyyətinin başçısı Abdin Fərzəliyev də var idi.
Abdin Fərzəliyevin bütün karyerasının
Ramiz Mehdiyev və
Əli Həsənovun protejesində keçirməsi danılmaz faktdır. Gülər Əhmədova –
Ramiz Mehdiyev – Elşad Abdullayev qalmaqalı zamanı öz mövqelərinin zəiflədiyini görən
Ramiz Mehdiyev Abdin Fərzəliyevi (özünün ailə kassasını) qorumaq üçün razılaşdırılmış oyun qurur. Bu oyuna əsasən sanki, onların arasında münasibətlərin pozulması ictimai rəyə təqdim edilir. Bu dövrdə Abdin Fərzəliyevi qorumaq missiyasını guya
Ramiz Mehdiyevin düşməni
Əli Həsənov həyata keçirir. Lakin Gülər Əhmədova qalmaqalı səngiyəndən dərhal sonra
Ramiz Mehdiyevlə Abdin Fərzəliyev kölgədən çıxırlar. Bu şəxslərin maraqlarının həm siyasi, həm də kommersiya prinsipləri əsasında birləşməsi dəfələrlə mətbuatın diqqətindən yayınmayıb.
O həm də
Ramiz Mehdiyevin təlimatı ilə kadr seçimini yalnız tayfa, qohum, dost meyarı ilə həyata keçirirdi.
Məqsəd isə bu idi ki, etibarlı adamların əli ilə toplanılan sərvətin müəyyən hissəsi
Ramiz Mehdiyev və
Əli Həsənova ötürülməli, ölkədə zərgər dəqiqliyi ilə hazırlanan dövlət çevrilişi enində-sonunda reallaşdırımalı idi.
Gəlin adlara bir daha diqqət edək:
“Meridian” və “Komfort” restoranlarının sahibi, Abdin Fərzəliyevin ov və əyləncə dostu olan
Ramiz Həsənovun bacanağı Şahmar İbadovun əli ilə külli miqdarda maliyyə maxinasiyaları edilib.
Müavini İlqar Mirzəyev – Başçının qohumu (Fövqəladə Hallar Nazirinin müavini Etibar Mirzəyevin qardaşı)
Müavin İradə Mahmudova – Başçının şəxsi təqdimatı ilə işə götürülüb. Onun işə götürülməsi üçün öz peşəkarlığı və işgüzarlığı ilə karyerada yüksəlmiş Rəşid Ağayev işindən azad edilib.
Hüquq şöbəsi müdiri Firdovsi Cəlilov – Başçının qohumu
Rayon təsərrüfatı şöbəsinin müdiri Hüseyn Cəfərov – Başçının qohumu
Ərazi idarəetmə və yerli özünüidarəetmə orqanları ilə iş şöbəsinin müdiri Yusif Sadıqov – Başçının qohumu
Gənclər və idman şöbəsinin müdiri Nəcəf Novruzov – Başçının kirvəsi olan
Siyavuş Novruzovun qardaşı oğlu
İctimai-siyasi və humanitar məsələlər şöbəsinin müdiri Nurlan Həsənov – Başçının yaxın qohumu və rayonun “qara kassası”dır. Başçının torpaq və əmlak satışı, tikintiyə icazə, o cümlədən bütün kommersiya fəaliyyətini tənzimləyən inanılmış adamıdır. Qeyd edilən fəaliyyətlərin qiymətinin müəyyənləşməsi və ödənişlərin qəbul edilməsi səlahiyyəti də bu şəxsə aiddir.
İctimai-siyasi və humanitar məsələlər şöbəsinin baş məsləhətçisi Zahid Nəzərov – Başçının qohumuMKTB rəisi Qoşqar Məmmədov – Başçının qohumu və iş ortağı1 saylı ərazi dairəsi üzrə nümayəndə Natiq Babayev – Başçının qohumu2 saylı ərazi dairəsi üzrə nümayəndə Nürəddin Abbasov – Başçının qohumu3 saylı ərazi dairəsi üzrə nümayəndə Elmar Abbasov – Başçının qohumuBələdiyyə sədri və müavinləri – Başçının ailə üzvləriNərimanov rayonunu tamamən
Şərur qruplaşmasının total nəzarətinə keçirmək üçün Abdin Fərzəliyevə kart blanş təmin olunub. Bunun səbəbləri aşağıdakılardır:
– Maliyyə mənbələri yaratmaq və inkişaf etdirmək– Tövsiyə edilən şəxslərə torpaq sahələri ayırmaq– Tövsiyə edilən şəxslərə qeyri-yaşayış sahələri hədiyyə etmək– Tövsiyə edilən şəxslərə mənzillər hədiyyə etmək– Tövsiyə edilən şəxslərə mülklər özəlləşdirərək hədiyyə etməkAMEA-nın saytında açıqlamalarınıb birində öz siyasi məqsədləri naminə insanların dini duyğularından istifadə edərək, halal və haram mövzusuna toxunan
Ramiz Mehdiyev bu faktların üzə çıxa biləcəyini düşünmürdümü?
Eyni zamanda, nəğd vəsaitin toplanması üçün
Əli Həsənov Abdin Fərzəliyevə geniş imkanlar yaratmış, nəticədə qəbristanlıq ərazilərinin satılması zamanı bir sıra torpaqları
Prezidentin İctimai-Siyasi şöbəsinin rəhbərinə hədiyyə etmişdir.
Abdin Fərzəliyevin təkcə Əhməd Rəcəbli küçəsi və ona paralel küçələrdə yerləşən torpaq sahələrinin satışından 1.5 milyard manatdan çox vəsaiti mənimsəməsi mətbuatda qeyd edilmişdir.
Vilyam Hacıyevin nümunəsində həbs edilən icra başçılarında aşkar edilən böyük həcmdə nağd vəsait həm də onu təsdiq edir ki,
Ramiz Mehdiyevin kadr təyinatları zamanı əsas prinsiplərindən biri də nağd vəsaiti akkumlyasiya edib, sonradan şəffaflığı sual yaradan istiqamətlərə yönəltmək olub.
Pulların yuyulması üçün müxtəlif sxemlərdən istifadə edilib.
Abdin Fərzəliyev dəfələrlə iddia edib ki, o topladığı vəsaitin bir hissəsini
Rusiyanın Həştərxan vilayətinin abadlığına xərcləyib. Reallıq isə belədir ki, Nərimanovda toplanın yüz milyonlarla manat maliyyə vəsaitinin ölkə xaricinə çıxarılması üçün Həştərxandakı layihələr sadəcə dəhliz olaraq istifadə edilib.
Nəticədə isə
Əli Həsənov beşinci kolonu maliyyələşdirib və eyni zamanda özləri zənginləşib. Başçı və qohumları isə oliqarxa çevrilib. Bu gün
Əli Həsənovun ümumi (ölkə daxili və xarici) varidatı orta hesabla görə 400 milyon dollar ətrafında olduğu halda, Abdin Fərzəliyevin xarici hesablarında olan vəsaitin 750 milyon dolları keçdiyi artıq sübüt edilib və müvafiq strukturlar artıq məsələ ilə bağlı araşdırmanı yekunlaşdırırlar. Vəsaitlərin böyük hissəsi Türkiyə, kiçik hissəsi
Avropa banklarında saxlanılır.
Bundan əlavə cari xərclər üçün də müəyyən edilmiş sxem mövcud idi. Hər ay Abdin Fərzəliyev
Əli Həsənova cari xərclərə 100 000 avro vəsait göndərirdi. Həmin vəsaitin 20 000 Avro Belçikada yaşayan müxaliflərə (hər ailəyə 1000 euro), 30 000 Avro – Hollandiyaya, 30 000 Avro Fransaya və 20 000 dollar isə
ABŞ-a göndərilirdi. Bu vəsaitlər həmin ölkələrdə yaşayan və mühacir həyatı sürən insanlara dəstək formasında verilirdi.
Bu işlərin həyata keçirilməsində
Əli Həsənova əsas dəstək verən insanlardan biri
Nazim İbrahimov idi. Eyni zamanda, Diaspora Komitəsinə ayrılan vəsaitlərin əksəriyyəti İbrahimov və
Əli Həsənov tərəfindən mənimsənilirdi. Bunun nəticəsi idi ki,
Prezident İlham Əliyev Fuad Muradovu yeni komitə rəhbəri təyin edəndə cəmiyyətə konkret mesaj göndərdi:
“
Nazim İbrahimovun rəhbərliyi dövründə nə Gürcüstanda, nə
Avropa ölkələrində, nə də Orta Asiya ölkələrində yaşayan azərbaycanlılarla heç bir iş görülməyib. Müəyyən tədbirlərin həyata keçirilməsində dövlət tərəfindən ayrılan maliyyə yardımları da öz ünvanına çatmayıb”.
Əslində vəsaitlər çatırdı… sədəcə
Əli Həsənova lazım olan adamlara… digər vəsaitlər isə
Əli Həsənovun ailəsinin varidatını artırırdı.
Yeri gəlmişkən onu da qeyd etmək lazımdır ki,
Bakının Nizami rayonunda yerləşən və Abdin Fərzəliyevə aid olan “Altun” restoranı uzun illər
Əli Həsənov tərəfindən müntəzəm olaraq müxtəlif istiqamətli koordinasiya toplantıları üçün istifadə edilib. Bu görüşlərdə
Əli Həsənov ilə yanaşı
Ramiz Mehdiyevə sədaqət andı içmiş icra başçıları – Abdin Fərzəliyev (Nərimanov rayonunun başçısı), Arif Qasımov (keçmiş Nizami rayonunun başçısı), Asif Əsgərov (Nəsimi rayonunun başçısı), Süleyman Mikayılov (Qaradağ rayonunun başçısı) və digərləri iştirak edirdilər. Asif Əsgərov 2 toplantıdan sonra görüşlərə davam etmir və Akademiklə vasitəçilər olmadan münasibət saxlayacağını bildirir…(Konkret.az)