İcra başçısının obyektlərinin fotoları yayıldı

Qubadlının rəhbəri obyektlərinə baş çəkdi
Dövlət məmurunun bizneslə məşğulluğu qanunla qadağan edilsə də bəzi hallarda bunun əksi müşahidə olunur. Hazırda elə dövlət qulluqçuları var ki, onlar əsasən biznes fəaliyyətilə məşğul olur və sahibləndikləri vəzifədən də şəxsi bizneslərini qorumaq, möhkəmləndirmək məqsədilə istifadə edirlər. Elə bu yazı da məhz belə məmurlardan biri – Qubadlı rayon icra hakimiyyətinin başçısı Malik İsaqov haqqındadır.
Malik İsaqovun Sumqayıt və Bakı şəhərlərində onlarla biznes obyektləri var və icra başçısı həmin müəssisələri yaxınları vasitəsilə idarə edir. Özü isə ayda bir neçə dəfə həmin obyektlərə baş çəkərək işlərələ yerindəcə və şəxsən tanış olur.
Sayt həmçinin icra başçısının obyektlərinə bu yaxınlarda baş tutan səfəri ilə bağlı eksklüziv fotolar əldə edib.
Xatırladaq ki, bu fotolar paytaxtın Bayıl qəsəbəsində çəkilib. Belə ki, Qubadlı RİH başçısının adıçəkilən qəsəbədə tikinti materiallarının satışı, plastik pencərə qapı sexi və digər obyektləri fəaliyyət göstərir. Fotolar da məhz onun həmin obyektlərinə növbəti səfəri zamanı çəkilib.(xalq.az)
Mövzuya qayıdacağıq.