Nurçulardan Elşad İsgəndərov açıqlaması

Nurçular, adı onlarla bir yerdə hallandırılan Dini Qurumlarla İş üzrə Dövlət Komitəsinin sabiq sədri Elşad İsgəndərovla bağlı açıqlama veriblər.

Nurçulardan daxil olan məktubda sabiq Dini Komitə sədrinin fəaliyyətindən bəhs olunub.

Məktubda qeyd olunub ki, nurçuların Elşad İsgəndorovun himayədarlığına ehtiyacı yoxdur: “Nurçuların himayəçisi Elşad İsgəndərov... Risale-i Nur kimi bir himayəçisi olan Nur tələbələrinin heç bir himayəçiyə ehtiyacı yoxdur”.

Məktub 5 nurçu tərəfindən imzalanılıb.

Qeyd edək ki, bir müddət öncə, Dini Qurumlarla İş üzrə Dövlət Komitəsinin sədri Elşad İsgəndərov vəzifəsindən azad edilib.

Komitə sədrinin tutduğu vəzifədən azad edilməsi ilə bağlı Azərbaycan Respublikası prezidenti sərəncam verib.

Azərbaycan Respublikası Konstitusiyasının 109-cu maddəsinin 5-ci bəndini rəhbər tutaraq qərara alınır ki, Elşad Hüseyn oğlu İskəndərov Azərbaycan Respublikasının Dini Qurumlarla İş üzrə Dövlət Komitəsinin sədri vəzifəsindən azad edilsin.