Hicran Hüseynova Fransada villanı sökdürməsi ilə bağlı iddiaya münasibət bildirdi: "Sənəd göstərəydilər ki, mənim adımadır" - FOTO

Milli Məclisin Ailə, qadın və uşaq məsələləri komitəsinin sədri Hicran Hüseynova mətbuatda bacısı ilə birgə Fransada dəniz sahilində 5 milyon avroluq villanı sökdürüb, yerində kompleks tikdirməsi ilə bağlı yayılan məlumata münasibət bildirib.

Hurriyyet.Az bildirir ki, Pravda.az-ın suallarını cavablandıran komitə sədri deyib ki, bu məlumat həqiqətəuyğun deyil.

"Sənəd göstərəydilər ki, villa mənim adımadır. Boş-boş danışıqlar kimə lazımdır? Özündən sensasiya yaradan insanlardır...", - H.Hüseynova bildirib.

Qeyd: Bir müddət öncə, araşdırmaçı jurnalist Cavanşir Həsənli məlumat yayıb ki, Hicran Hüseynova və bacısı Fransada dəniz sahilində 5 milyon avroluq villanı sökdürüb, yerində kompleks tikdirirlər. Onun sözlərinə görə, tikinti ilə bağlı bələdiyyə sənədinə görə kompleksdə iki villa, iki hovuz, yeraltı qaraj və qonaqlar üçün evin inşası nəzərdə tutulur.

Fotoları təqdim edirik:

Share

Tweet