Ölkə prezidenti futbol klubunda oynayacaq

Boliviya Prezidenti Evo Morales milli birincilikdə çıxış edəcək "Sport Boys" futbol klubu ilə müqavilə imzalayıb. 54 yaşlı dövlət başçısı 10 nömrə altında yarımmüdafiəçi mövqeyində çıxış edəcək.
E.Morales ayda təxminən 214 dollar alacaq ki, bu da Boliviyada minimum əməkhaqqına ekvivalentdir. Yeni üzv iş qrafikinin ona imkan verəcəyi qədər komandanı dəstəkləyəcək.
Dövlət başçısı dünyada peşəkar klubun oyunçusu olan ilk prezidentdir.
.Morales 2006-cı ildə Boliviya Prezidenti seçilib. O öz ölkəsinin milli yığmasının fan-klubunun üzvüdür və bir çox səfər matçlarında iştirak edir. Gözlənilir ki, karyerasındakı yeni mərhələ ona ilin sonunda keçiriləcək prezident seçkilərində reytinqini qaldırmağa kömək edəcək.