"Naxçıvanın yeni rəhbərinin kabab yeməsi..." — Qalmaqal böyüyür

19-05-2023, 17:58   


"Açığını desəm, Prezidentin Naxçıvandakı səlahiyyətli nümayəndəsi Fuad Nəcəfliyə ümidim və hörmətim qalmayıb. Naxçıvana rəhbər təyin olunduqdan bəri bu bölgədə sosial vəziyyətin ciddi şəkildə dəyişilməməsi, insanların son ümidlərinin gözlərində “boğulması”, bir mədəniyyət nazirini belə işdən çıxarmaqda göstərdiyi qətiyyətsizlik, ən əsası isə mənim haqlı davamda tamamilə əks mövqe tutması və bu xəbərin gəlib qulağıma çatması onun gözümdən düşməsində önəmli rol oynayıb".

Bunu sosial şəbəkədə jurnalist Heydər Oğuz yazıb.

Jurnalist daha sonra həmkarı Eynulla Fətulayevin sosial şəbəkədə Fuad Nəcəfli ilə bağlı paylaşımına toxunaraq, bunları qeyd edib:

"Bununla belə, bu zamanadək həmişə 5-ci kolonun sözçüsü, Ramiz Mehdiyevə bağlı adamların haqsız müdafiəçisi kimi tanınan; alın təriylə ölkə iqtisadiyyatının dirçəlişində qatqılarda bulmağa çalışan iş adamlarına qarşı “səlib yürüşü” aparan Eynulla Fətullayevin qalxıb Fuad Nəcəflinin bir ziyafətdə çəkdirdiyi şəkili paylaşaraq onu “xan” elan etməsi də ürəyimi bulandırdı. “Xan” əgər xudmani bir məclisdə yaxın adamları ilə kabab yeməkdirsə, onda bizim hər birimiz həmin adı daşıya bilərik. Ən çox da Eynulla Fətullayev. Dəfələrlə onu Rasim Məmmədovla, hansısa “vorzakon”larla eyni eyş-işrət məclisində çəkdirdiyi şəkilləri görmüşük. Amma onu indiyədək heç kim “xan” adlandırmayıb. Adının arxasına və ya əvvəlinə ən müxtəlif epitetlər yapışdırılmasına baxmayaraq.

Sözsüz ki, Fuad Nəcəfli də insandır və onun da dostları, iş yoldaşları var. Hər birimiz kimi o da hansısa məclisdə oturub quzu kababı da yeyə bilər. Amma məsələ kabab yeməkdə deyil, əsas odur ki, “xan” kimi dövlət əmlakını yeməsin. Yeyib-yemədiyini demək üçün isə əlimdə heç fakt olmadığından bu barədə hələ ki, danışa da bilmirəm. Amma Eynulla Fətullayevin paylaşımından belə görünür ki, onun da əlində elə bir fakt yoxdur. Elə bu səbəbdən də Fuadın kabab yeməsini paylaşır".

Qeyd edək ki, jurnalist Eynulla Fətullayev Facebook-da Fuad Nəcəflinin ziyafət məclisindən fotosunu paylaşaraq yazıb:

"Naxçıvanın yeni xanı hakimiyyətin ləzzətini dadır… Süddən kəsilmiş quzu, bumbuz araq, bratva da ətrafda).. Hardasan, ay Məşədi Kazım? Bəs elmi-praktiki konfranslar? Bəs alovlu çıxışlar? Bəs zəhmətkeşlərin qayğıları?"..


Demokrat.az .

Facebook-da paylaş
Digər xəbərlər
Xəbərlər
Bütün xəbərlər
Ən çox oxunanlar