Tanınmış aktyora diri-diri nekroloq yazdılar

"People" jurnalı bu məlumatı öz saytında yerləşdirib
Hollivudun məşhur ulduzu Maykl Duqlasın atası, aktyor Kirk Duqlasa diri-diri nekroloq yazılıb. "People" jurnalı bu məlumatı öz saytında yerləşdirib.

Yayılan məlumatda qeyd olunub ki, aktyor 1996-cı ildə insult keçirib, lakin buna baxmayaraq, son gününə kimi vəziyyəti yaxşı olub.

Ölüm xəbəri yayılan Hollivud aktyoru “Spartak” filminin ulduzu Kirk Duqlas isə sağdır və gələn həftə onun 98 yaşı tamam olacaq.

Saytda yerləşdirilən bu məlumatda jurnalın "paylaşmamaq" qeydi də əlavə edilib. Yəni bu qəlib olub və Kirk Duqlas ölən kimi bu yayılacaqmış, Amma hasısa sıhv ucundan qəlib məqalə efirə çıxıb.

Qeyd edək ki, iri nəşrlərdə üçün tanınmış şəxslərin ölümü haqqında əvvəlcədən məlumat hazırlamaq geniş yayılmış təcrübədir.

Bu məlumatın dərcindən qısa müddət sonra jurnal səhvini düzəldib.

Onu da qeyd edək ki, "People" jurnalının aktyor Abe Viqoduya diri-diri nekroloq yazması 1982-ci ildə bir çox Amerika tele-şoularında zarafat mövzusuna çevrilmişdi.

2008-ci ildə isə "Bloomberq" jurnalı “Apple” şirkətinin qurucusu, 2011-ci ildə vəfat edən Stiv Cobsa nekroloq yazmışdı.