Ərdoğan rekorda irəliləyir

Türkiyənin 12-ci prezidenti 3 ayda 14 xarici ölkəyə gedib
Türkiyənin prezidenti Rəcəb Tayyib Ərdoğan bu vəzifədə 100-cü gününü başa vurdu. “Yatan yox, tərləyən prezident olacağam” – deyən Ərdoğan artıq bu sözünü tutmağa başlayıb. Belə ki, Ərdoğan ilk 3 ayda Türkiyənin sabiq prezidentlərini kölgədə qoymağa başlayıb.

Rəcəb Tayyib Ərdoğan 100 gün ərzində 14 dəfə xarici ölkələrə səfər edib.

Sabiq prezidentlərdən Süleyman Dəmirəl 7 il ərzində 57 ölkəyə 125, Turqut Özal vəzifəsi müddətində 29 ölkəyə 40, Kənan Evren 7 ildə 23 ölkəyə 32 dəfə səfər edib.
10-cu prezident Əhməd Necdət Səzər isə 7 il ərzində sadəcə 48 xarici səfərdə olub.

Bu istiqamətdə rekord indilik 11-ci prezident Abdullah Güldədir. Abdullah Gül prezident olduğu dövrdə 84 ölkəyə 110 dəfə səfər edib.

Ərdoğanın 3 ayda xarici səfərlər istiqamətində nümayiş etdirdiyi rəqəmlər isə ona rekokr qazandıracaq kimidir.