Əli Mirəliyev çəkiliş qrupuna bıçaq çəkmək istədi (VİDEO)

"Səməd, sənin qıçlarını sındıraram çörəyimə bais olsan"
Şou-biznesin vicdan səsi Əli Mirəliyevin qalmaqallı videogörüntüləri yayılıb.
qırmızı şalvar geyinərək çəkilişə qatılan ifaçı möhkəm əsəbiləşərək özündən çıxıb.

Əli Mirəliyev rol aldığı 'Yumurta' komediyasının yaradıcı qrupu ilə dalaşır. Görüntülərdə rejissor Pənah Eldaroğlu müğənniyə yaxınlaşaraq çəkilişin alınmadığını və başqa sənətçi dəvət edəcəyini bildirir. Onun bu sözündən əsəbiləşən Əli Mirəliyev qışqırmağa başlayır.

"Necə yəni alınmır? Necə yəni başqa adam gətirəcəm? Səmədi gətirmək istəyirsiz?" Rejissorun cavabı onu daha da özündən çıxarır. "Səməd, qıçlarını sındıraram sənin, mənim çörəyimə bais olsan" - deyərək etirazını bildirir.

Çəkiliş qrupunu da təhqir etməklə ürəyi soyumayan müğənni, hətta onları vurmaq üçün bıçaq da axtarır.

Çəkiliş qrupu çox çətinliklə Əli Mirəliyevi sakitləşdirə bilir.