“Sarı gəlin”ə Türkiyədə unikal klip çəkilib (VİDEO)

Klip qısa vaxt ərzində xeyli istifadəçi tərəfindən izlənərək marağa səbəb olub
Azərbaycan xalq mahnısı “Sarı gəlin”ə Türkiyədə klip çəkilib.

ANS TV-nin məlumatına görə, Türkiyə, Azərbaycan, Estoniya, Ukrayna, Makedoniya və Litvadan 36 gənc musiqiçi Türkiyənin Ərzurum vilayətində bir araya gəlib. 6 ölkəni təmsil edən həvəskar musiqiçilərin iştiraki ilə “Sarı gəlin” xalq mahnısı üçün Ərzurumun tarixi və mədəniyyət məkanlarında videoklip çəkilib. 11 günə tamamlanan çəkilişlərdən sonra “Youtube” videoportalına yerləşdirilən “Sarı gəlin” klipi qısa vaxt ərzində xeyli istifadəçi tərəfindən izlənərək marağa səbəb olub.

Bir müddət öncə isə, dünya şöhrətli ifaçı Sami Yusuf “Sarı gəlin” mahnısını Azərbaycan və İngilis dillərində ifa etmişdi.