Antalya-Kəmər yolu raket atəşinə tutuldu - DƏHŞƏT...

Moderator.az Vesti.ru-ya istinadən xəbər verir ki, bu saatlarda Türkiyənin məşhur Antalya kurortunda Kəmər bölgəsinə gedən yol atəşə tutulub.

İlkin məlumatlara görə naməlum şəxslər tərəfindən dağ massivindən dəniz istiqamətində 3 raket atılıb. Polis təcili yardım hadisə yerinə gəlib, atəş açanlar axtarılır. Terrorçuların məqsədi dənizə tərəf gedən benzin maşınını vurmaq olub.
Raketlər hədəfə dəysəydi nəticələri daha ağır ola bilərdi. Antalya-Kəmər yolu bağlanıb. Daha çox rus turistlərin istirahət yerində hal-hazırda 30 mindən çox rus turist istirahət edir. Xəsarət alanların olmadığı bildirilir. Təbii ki, bu terror aktının hədəfi turistləri Türkiyənin bu cənnətindən çəkindirmək və ölkə turizminə zərbə vurmaqdır.