Bu günün Ulduz falı

Milli.Az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir

Qoç - yeni tərəfdaşlarla əməkdaşlığa başlamaqla yanaşı, mövcud işgüzar münasibətləri möhkəmləndirin. Birgə layihələr uğur vəd edir. Problemlərin həllinə yaradıcı yanaşma nümayiş etdirin. İdeyaların reallaşdırılması üçün ehtiyac yaranarsa, ənənəvi qaydaları darmadağın edin. Fəsadlardan və nəticələrdən qorxmayın.
Gününi ikinci yarısında yaxınlarınıza yardım edin. Bunun üçün planlaşdırılmış işlər, səfər və ya istirahətdən imtina etmək olar.

Buğa - çox işlərin öhdəsindən gələcəksiniz. Məqsədə aparan yolda çoxsaylı sədlərlə maneələrin yaranmasına hazır olun. Bu problemlər yalnız ilk baxışdan həlli mümkünsüz sayıla bilər. Təslim olmayın, geri çəkilməyin. İnadkar olun, potensialınıza və bacarıqlarınıza güvənin. Peşəkar fəaliyyət sahəsində irəliləyişə nail olacaqsınız.
Maliyyə məsələləri ilə bağlı istənilən riskdən uzaq durun.
Şəxsi münasibətlərdə köklü, əhəmiyyətli dəyişiliklər zamanı deyil. Yaxınlarınızla münasibətləri aydınlaşdırmağa, uzaq gələcəklə bağlı məsələləri müzakirə etməyə cəhd göstərməyin.
Dəvət aldığınız yerdə özünüzü narahat hiss edəcəksiniz.

Əkizlər - diqqətə layiq olmayan, mənasız işlərlə söhbətlərə çox vaxt ayırmayın. Başqasının fikirlərini anlamağa, dediklərini dinləməyə çalışın. Uzun müddətdən bəri hazırladığınız planları kiminsə xoşuna gəlmədiyi üçün dəyişməyin, təxirə salmayın.
Yeni məlumatlar çoxdur, amma əksəriyyəti yanlışdır. İstənilən informasiyanı diqqətli şəkildə yoxlamaq lazımdır. Şayiələr və dedi-qodu nüfuzunuza zərbə vuraraq mövqelərinizi zəiflədə bilər.
Alış-verişdə bədxərclik etməyin.

Xərçəng - emosiyaların əsirinə çevrilərək hisslərinizi cilovlaya bilməsəniz, kobud səhvlərə yol verəcəksiniz. Situasiyadan asılı olaraq qərar qəbul edin. Təcrübəli manipulyatorlar sizin təşəxxüs və eqoizminizdən yararlanmağa çalışacaqlar. Yalnız bu adamların maraqlarında olan addımlar atmayın.
Etibar edə biləcəyiniz insanı müəyyənləşdirin.
İntuisiya susacaq.
Uzun müddətdən bəri üzərindən sükutla keçdiyiniz, unutmağa çalışdığınız ixtilaflar və münaqişələr yenidən gündəmə gəlir. Bu səbəbdən də yaxın insanlarla münaqişə yaratmayın.

Şir - əsla maraqlanmadığınız işlərlə məşğul olmaq zərurəti yaranıb. Yaxşı tanımadığınız insanlarla münaqişələr istisna deyil. Alış-veriş, aksiyalara qatılmaq məsləhət deyil. Yaxın keçmişdəki olayları analiz etmək olar.
Dürüst nəticələr çıxarın, səhvləri təkrarlamayın.
Sevdiyiniz insan sizi sevindirəcək. Xoş sürprizlər olacaq. Pulunuzu mənasız nəsnələrə xərcləməyin.

Qız - yeni işləri və layihələri təxirə salmaq gərəkdir. Həmin işləri başa çatdırmaq asan olmayacaq. Şərtlər də əlverişli deyil. Hesablamalarda kobud səhvlər maliyyə itkilərinə səbəb ola bilər. Fırıldaqçıların şirin vədlərinə aldanaraq onların məkrli planlarına hədəf olmayın. İşlə bağlı önəmli qərarlar qəbul etməyə dəyməz.
Günün ikinci yarısında enerji potensialınızın səviyyəsi aşağı düşəcək. Adi günlərdən fərqli olaraq daha tez yorulacaqsınız. Səhhətinizdə problemlər yarana bilər. Allergik reaksiyalar və qida zəhərlənməsi riski artır. Plandaşdırılmamış, uzaq səfərə yollanmağa dəyməz.

Tərəzi - problemlər az deyil. Lakin onları düşündüyünüzdən də sürətlə həll eləmək olar. Planlaşdırılan işlərin öhdəsindən qısa müddətdə gələcəksiniz. Amma işlərin sayı artacaq. Narahat olmayın, işləri yarımçıq qoymayın.
İşgüzar danışıqlarda diqqətli olun, mövqelərinizdən geri çəkilərək maraqlarınızı güzəştə getməyin. Karyeranızda irəliləyə bilərsiniz.
Dostlarla görüşlər pis keçməyəcək. Dəvət aldığınız tədbirə qatılın. Sevdiyiniz insan sizi tənqid edəcək. Sərt danışsa belə, ondan inciməyin.

Əqrəb - həddən artıq ehtiyatlı olun. Uğursuz, çətin, mürəkkəb gündür. Bədxahlar sizə qarşı təxribat hazırlayırlar. Onlar səhvə yol verəcəyinizi gözləyir, maraqlarını təmin etmək üçün yanlışlığa yol verməyinizdən faydalanmaq istəyirlər. Təmaslarla ünsiyyətləri məhdudlaşdırın. Etibarına şübhə etmədiyiniz insanlarla əlaqələrdə aktiv olun.
İstirahət və ya əyləncə ilə bağlı fikirləri təxirə salın. Mühüm işlərdən bəzilərini inandığınız insanlara həvalə etmək olar. Əks təqdirdə məhsuldar çalışmaq şanslarından yararlana bilməyəcəksiniz.
Nəzərdə tutulmamış səfər, xoşagəlməz görüş istisna deyil.

Oxatan - günün ilk yarısında kobud səhvlərə yol verərək yanlış qərarlar qəbul etməyin. Dürüst istiqamətdə hərəkət etmədiyinizi gec anlamayın. Səhvlərin fəsadlarını aradan qaldırmaq imkanları mövcuddur. Yaxın ətrafınızdakı insanlara diqqətlə baxın. Müttəfiqiniz olduğunu deyən insanların çoxu belə şəxslər deyillər.
Günün ikinci yarısında müsbət təmayüllərin təsiri güclənəcək. Vaxt pis keçməyəcək. Peşəkar fəaliyyət müstəvisindəki fikir ayrılıqlarının və ailədəki problemlərin həlli, mühüm məsələlərin çözülməsi üçün münasib zamandır.

Oğlaq - günün ilk yarısı xoşagəlməz fikirlər, narahatlıq, təlaş və əndişə zamanıdır. Ruhdan düşməyin, nikbin olun. Nöqsanlara və problemlərə rəğmən uğur əldə edə bilərsiniz. Uzun zamandan bəri başa vurmağa çalışdığınız işi bitirə bilərsiniz. Çoxsaylı kiçik məsələləri çözün. Diqqətli və sayıq olun, sərvaxt davranın.
Yolda ehtiyatı əldən verməyin. Maliyyə çətinlikləri istisna deyil.

Dolça - günün ilk yarısı çətin məsələlərin həlli üçün əlverişli zamandır. Problemlər artmayacaq. Soyuqqanlı və təmkinli davranın. Rəqiblərlə müqayisədə daha qətiyyətli, iradəli və əzmkar olsanız, qarşınıza qoyduğunuz məqsədlərə çata biləcəksiniz. Saatlar keçdikcə durum kəskinləşə bilər. Tərəfdaşlarla dil tapmaq çətinləşir.
Aqressiv davranış işlərinizin gedişatına çox pis təsir edə bilər.
Gizli saxlamağa çalışdığınız informasiya yayıla bilər. Sirlərinizi faş etməyə çalışan insan var. Planlaşdırılmamış səfərlər pis alınacaq, nəzərdə tutulandan da artıq vaxt sərf olunacaq.

Balıqlar - işlər çoxdur. Astagəllik, tənbəllik etməyin. Danışıqlar və toplantılar, müzakirələr çox vaxt ala bilər. Yaxın ətrafınızdakı insanlara mövqelərinizi başa salın. Haqlı olduğunuzu düşündüyünüz məqamlarda əsla geri çəkilməyin. Sizi ruhlandıracaq insan tapılacaq. Yeni müttəfiq və tanışlar tapa bilərsiniz.
Əks cins mənsubları diqqətinizi cəlb etməyə çalışır. Qohumlarla təmaslarda səmimi, qayğıkeş olun.