Bir ayın əsgərinin xəstəlikdən vəfat etdiyi deyilir

Onun damar divarının iltihabından öldüyü deyilir

Azərbaycan ordusunun əsgərinin vəfat etdiyi bildirilir.

Müdafiə Nazirliyinin məlumatına görə, Maqbet Xətai oğlu Məcidova vaskulit (damar divarının iltihabı-red.) diaqnozu qolulub və o, bu xəstəlikdən həyatını itirib.

Hərbi Prokurorluğun mətbuat xidmətinin rəhbəri Firad Əliyevin məlumatına görə, ölüm faktı əsasında Naxçıvan Hərbi Prokurorluğunun və Azərbaycan Hərbi Prokurorluğunun Kriminalistika və İnformasiya Texnologiyaları idarəsi tərəfindən müvafiq baxış keçirilib.

“Məhkəmə tibbi ekspertin iştirakı ilə meyitin xarici və daxili müayinəsi keçirilib, eləcə də digər hərəkətlər icra edilib”, – Hərbi Prokurluğun məlumatında deyilir.

Qeyd edilir ki, faktla əlaqədar Naxçıvan Hərbi Prokurorluğunda Cinayət Məcəlləsinin müvafiq maddəsi ilə cinayət işi başlanılıb:

“Şahidlər dindirilib, müxtəlif ekspertizalar təyin edilərək, icraya yönəldilib və digər istintaq hərəkətləri həyata keçirilib”.

Hazırda istintaq davam etdirilir.

2003-cü il təvəllüdlü Nəsimi rayon sakini Maqbet Məcidov 2020-ci ildə Azərbaycan Milli Konservatoriyasının nəzdində İncəsənət Gimnaziyasını, 2024-cü ildə isə Mədəniyyət və İncəsənət Universitetini bitirib.

Onun 2025-ci ilin yanvarında hərbi xidmətə yollandığı deyilir.

Əsgərin ölümü ilə bağlı yaxınları ilə əlaqə saxlamaq mümkün olmayıb.