ABŞ kəşfiyyatı alman nazirlərini dinləyib - Qalmaqal

ABŞ kəşfiyyatı uzun illər ərzində Almaniya xarici işlər nazirlərini dinləyib. Axar.az xəbər verir ki, bu barədə informasiyanı “Vikiliks” saytı yayıb. Saytın məlumatına görə, izlənilənlər sırasında ən mühüm yeri Almaniyanın 1998-2005-ci illər xarici işlər naziri olmuş Yoşka Fişer tutub. Bundan başqa saytın yaydığı materiallar sırasında Frank-Valter Ştaynmayerin dinlənilməsinə aid sənədlər də olub. Yayılan sənədlər dinləmələrin daha çox 2005-2009-cu illər arasında aparıldığını sübuta yetirir.