Hicabsız fotolarını paylaşdı - İrandan qovuldu (fotolar)

İranlı aktrisa Sadaf Taherian ölkə gündəmini zəbt edib.

“Qafqazinfo” daily mail-ə istinadən xəbər verir ki, aktrisa hicabsız fotolarını sosial şəbəkədə paylaşdığı üçün dövlət KİV-lərinin və İran Mədəniyyət Nazirliyinin qəzəbinə tuş gəlib.

Yerli KİV Taherianını şəriət qanunlarına tabe olmadığı üçün “əxlaqsız” adlandırıb. İran Mədəniyyət Nazirliyi isə Sadafın İran filmlərində çəkilməsinə qadağa qoyub.

Aktrisa ABŞ-da fars dilində yayımlanan “Masih Alinejad şou” proqramına açıqlama verib.

O, artıq Dubayda yaşayacığını, İran xalqının aqressiv şərhlərini təəssüflə qarşıladığını bildirib:

“İran xalqından bunu gözləmirdim. Mən özümü bu şəkildə xoşbəxt hesab edirəm. İnanırdım ki, məni dəstəkləyənlər olacaq. Ancaq düşündüyüm kimi olmadı. Dubayda karyerama davam edəcəm. İranda fəaliyyətim zamanı rejissorların mənə qarşı mənfi baxışları məni narahat edirdi”.