Müğənnimiz kişi axtarır: "Ciddi olmayan narahat etməsin" - FOTO

"Qaya" ansamblının solisti Şölə Səfərəliyeva yeni klip çəkilişlərinə hazırlaşır. Milli.Az publika.az-a istinadən xəbər verir ki, müğənni bu barədə sosial şəbəkədə yazıb. O, yeni klipi üçün dünya şöhrətli aktyor Eşton Kaçerə bənzər kişi axtarışına da çıxıb.

"Yeni klipimin çəkilişləri üçün aktyor Eşton Kaçerə oxşar könüllü bəy axtarılır. Fotonuzu və haqqınızda məlumat yollaya bilərsiniz. Ciddi olmayan narahat etməsin. Özünü yaraşıqlı görən qaraşınlar da foto göndərib qatıla bilərlər, qismət. Çox sağ olun".

Qeyd edək ki, Eşton Kaçer dünya şöhrətli aktrisa Demi Murun keçmiş həyat yoldaşıdır. Uzun sürən boşanma prosesindən sonra Eşton aktrisa Mila Kunis ilə vətəndaş nikahına daxil olub. Cütlüyün bir qızı var.

Milli.Az