Kəmaləddin Heydərov səfir gedir, FHN ləğv edilir...

Fövqəladə Hallar Nazirliyinin ləğv ediləcəyi ilə bağlı xəbərlər yayılıb. Anaxeber.info məlumat verir ki, internet resurslarında FHN-nin ləğv olunaraq Daxili İşlər Nazirliyinə və Nazirlər Kabinetinə tabe etdiriləcəyi haqda informasiyalar tirajlanıb. Bunun ardınca nazir Kəmaləddin Heydərovun vəzifəsindən azad edilərək İsrailə səfir göndəriləcəyi iddiaları səslənir. Hazırda Azərbaycanın İsraildə səfiri var. Lakin onun əvəzlənməsi prezidentin səlahiyyətində olan məsələdir. K. Heydərovun isə diplomatik vəzifəyə göndərilməsi mümkündür. Çünki kifayət qədər əlaqələrə malikdir. Bununla yanaşı, FHN-nin ləğv olunmasının əsas səbəbi həm Heydərov faktının daha da zəiflədilməsi mənasını daşıyır, həm də büdcə  artıq xərclərdən xilas olur. Buna qədər isə FHN şefi biznesinin böyük bir hissəsini itirmişdi. İndisə onun nazir dönəminə son qoyula bilər. Əslində, FHN Heydərovla bağlıdır. Yəni 2006-cı ildə yaradılıb və bu günə qədər nazir dəyişməyib. Digər nazirliklərdə isə kadr dəyişiklikləri olub. Ona görə də Heydərovla birlikdə nazirlik də gedir və onun səlahiyyətlərinin DİN-ə, habelə Müdafiə Nazirliyinə verilməsi istisna edilmir. Əslində, FHN ayrıca struktur olaraq zəruri deyil və büdcəyə yükdür. Onun hansısa nazirliyin tabeliyində xidmət kimi fəaliyyəti də mümkündür. O baxımdan, Kəmaləddin Heydərov erasının başa çatacağı gözlənilən iddialar sırasındadır...  dia.az