Tripolidə silahlı dəstə parlamentin müvəqqəti qərargahına hücum edib

Liviyanın Ümumi Milli Konqresinin (ÜMK - müvəqqəti parlament) Tripolidəki qərargahına bazar günü hücum edilib. Trend İTAR-TASS agentliyinə istinadən bildirir ki, bu barədə Liviya informasiya agentliyi xəbər verir.

Agentliyin məlumatına görə, naməlum silahlı şəxslər deputatları mühasirəyə alaraq, Konqres binasının yaxınlığında atəş açıblar.
Şahidlərin sözlərinə görə, atəş yüngül atıcı silah və zenit pulemyotlardan aparılır.
Zərərçəkənlər barədə məlumat daxil olmayıb.

Bundan başqa, agentliyin məlumatına görə, intensiv atışma səsləri paytaxtın digər rayonlarında, o cümlədən Abu-Slime və El-Hadbedə eşidilir.