Bakı sakininin 100 min dollarını mənimsəyən qadın tutulub

Bakıda 100 min dollarlıq dələduzluq faktının üstü açılıb.

Bakı şəhər Baş Polis İdarəsindən APA-ya verilən məlumata görə, 2012-ci ilin sentyabr ayında özünü Nilufər kimi təqdim edən qadın Bakı şəhər sakini Nurəngiz Hüseynzadənin etibarından istifadə edərək 62 min 500 manat və 32 min ABŞ dolları alıb qaytarmayıb.

Nəsimi Rayon Polis İdarəsinin 20-ci Polis Bölməsi əməkdaşlarının keçirdikləri əməliyyat tədbirləri nəticəsində, dələduzluqda şübhəli bilinən Bakı şəhər sakini Simuzər İbrahimova (Nilufər) tutulub.