Bu da Elzanın Leyla Əliyevanın şeirinə bəstələdiyi mahnı

Əməkdar artist Elza Seyidcahan Heydər Əliyev Fondunun vitse-prezidenti Leyla Əliyevanın şeirinə bəstələdiyi mahnını təqdim edib.

Axşam.az-ın məlumatına görə, mahnı "İnsanlar" adlanır.

Xatırladaq ki, E.Seyidcahan saytımıza açıqlamasında bəstə ilə bağlı bunları demişdi:

“Yanvarda saytda Leyla Əliyevanın “Lyudi” adlı şeirini oxudum. Qeyri-ixtiyari ona musiqi zümzümə etdim. Daha sonra piano arxasına keçib, mahnı bəstələdim. Bu yaxınlarda isə Azərbaycan dilinə çevrilən “İnsanlar” adlı şeirini oxudum. Ona isə başqa bir musiqi yazdım. Bu, daha lirik idi. İçərisində muğam da var. Rus dilində olan varianta ritmik bəstə hazırlamışdım. Mahnını bir neçə hissədə - müzikl kimi təqdim edəcəyəm. Hazırda aranjiman olunur. Yaxın günlərdə işıq üzü görəcək”.