Nigeriyada partlayış - 45 ölü

Nigeriyanın mərkəzindəki Jos şəhərində meydana gələn iki partlayışda 45 nəfərə qədər adam dünyasını dəyişib.

Anspress-in məlumatına görə, müsəlman və xristianların tez-tez qarşıdurma yaratdığı Jos şəhərində səbəbkar kimi "Boko Haram" təşkilatı göstərilir.

Hadisə şahidləri partlayışların şəhərin sıxlıq olan sahələrində - bazarda və xəstəxana yaxınlığında bir neçə dəqiqə fərqlə həyata keçirildiyini bildirib.

Hadisəni öz üzərinə götürən olmayıb. 2012-ci ilin iyulunda həmin şəhərdə baş verən partlayışda 58 nəfər ölmüş və hadisəni "Boko Haram" silahlıları öz üzərinə götürmüşdü.

Nigeriya parlamenti "Boko Haram"ın fəal olduğu ölkənin şimal-şərq bölgələrində fövqəladə vəziyyə elan edib. halı altı ay daha uzatma qərarı aldı.

Qeyd edək ki, "Boko Haram" təşkilatı son beş ildə on minlərlə adamın ölümü ilə nəticələnən hücumlar edib.