Beyləqanda icra başçısına qarşı imza toplanılır

30 min insanın Vaqif Abdullayevin işdən çıxarılması üçüb dövlət başçısına müraciət etməyə hazırlaşdığı deyilir

Beyləqanın icra başçısı Vaqif Abdullayevin idarəetməsindən bezən rayon camaatı onun əleyhinə imza toplamağa başlayıb. JAM.AZ xəbər verir ki, bununla bağlı məlumat social şəbəkələrdə yayılıb.

Həmin məlumatda vurğulanır ki, icra başçısının fəaliyyətini yarıtmaz hesab edən beyləqanlılar onun işdən çıxarılması və başqası ilə əvəzlənməsi məqsədi ilə dövlət başçısına müraciəh hazırlayaraq, ona imzaları da əlavə edib göndərməyi planlaşdırırlar. JAM.AZ xəbər verir ki, imza toplanılmasına bu həftədən etibarən start verilib. Bir həftə içində 30 min imzanı toplayaraq Prezidentə göndərmək nəzərdə tutulub.