Paşinyan: “Ermənistan Türkiyə və Azərbaycanla düşmənçiliyi aradan qaldırmalıdır”

Ermənistan Gürcüstan və İranla mehriban qonşuluğu inkişaf etdirməli, Türkiyə və Azərbaycanla isə "düşmənçiliyi idarə etməli, azaltmalı və aradan qaldırmalıdır", regional nəqliyyat marşrutlarını inteqrasiya etməlidir, iqtisadi əlaqələr qurmalı və inkişaf etdirməlidir. Bu barədə mayın 7-də Ermənistanın baş naziri Nikol Paşinyan mətbuat konfransında bildirib.

Düşmənçiliyi idarə etmək o deməkdir ki, elə etmək lazımdır ki,  bu düşmənçilik nəzarət edilməz hala gəlməsin, sonra onu azaltmaq və sıfıra endirmək lazımdır, baş nazir deyib.

Bu baxımdan Paşinyan "Dünyanın kəsişməsi" layihəsinə xüsusi önəm verir. Kommunikasiyalar iqtisadi fayda gətirəndə düşmənçilik aradan qaldırılacaq və o zaman bu, siyasi cəhətdən həyata keçirilən bir vəzifə olacaq, o qeyd edib.

Qarşıdakı Alma-Ata görüşünə toxunan Paşinyan deyib ki, orada Alma- Ata bəyannaməsinin Ermənistanla Azərbaycan arasında sülh müqaviləsinə daxil edilməsi məsələsi müzakirə olunacaq.

Daxili müxalifətdən danışan Paşinyan bildirib ki, "dəyişiklik olması üçün bir sıra daxili və xarici qüvvələrə müharibə lazımdır. Eyni ssenari 44 günlük müharibə zamanı da həyata keçirildi. "Onlar müharibəyə və nəticədə Ermənistan ərazisinin işğalına, hakimiyyət dəyişikliyinə təhrik etmək istəyirlər ki, bu da Ermənistanın suverenliyinin ləğvinə gətirib çıxaracaq", -  o deyib.