Güclü maqnit qasırğasının başladığı bildirilir

Fırtına elektrik şəbəkələrinə, peyklərə və yüksək tezlikli radio rabitələrinə müdaxilə edə bilər

Yerdə güclü maqnit qasırğası başlayıb. Bu barədə ABŞ hökuməti xəbərdarlıq edib.

ABŞ hökuməti 2003-cü ilin oktyabrından bəri ilk dəfə olaraq G5 geomaqnit qasırğası və Yerdən 17 dəfə böyük olan Günəş ləkələri barədə xəbərdarlıq edib.

Milli Okean və Atmosfer Administrasiyasının (NOAA) Kosmik Hava Proqnozları Mərkəzi (SWPC) də məlumat yayıb.

Məlumata görə, fırtına elektrik şəbəkələrinə, peyklərə və yüksək tezlikli radio rabitələrinə müdaxilə edə bilər. Günəş fəaliyyəti kosmosda hərəkət edən və nəticədə Yerə çatan enerjinin sərbəst buraxılmasını əhatə edir.

Qeyd olunur ki, ABŞ-ın kritik infrastruktur operatorları müvafiq bildiriş alıblar.