Kəmaləddin Heydərovun oğlu şirkət rəhbəri oldu

Fövqəladə hallar naziri Kəmaləddin Heydərovun oğlu Tale Heydərov ilk dəfə rəsmən Azərbaycanda yaradılan kommersiya şirkətinin rəhbəri olub. Şirkətin ofisi “Kempinski Badamdar Baku” otelində yerləşir.
KİV-də bu yaxınlarda gedən məlumata görə, fevralın 17-də “Sabah P&D İnternational” MMC şirkəti qeydiyyata alınıb. Şirkətin direktoru 29 yaşlı Tale Heydərovdur. London Universitetinin Birbek kollecinin 24 yaşlı məzunu (2007-ci il) bu vaxta qədər aktiv ictimai-siyasi fəaliyyətlə məşğul olub. O, Azərbaycan-Avropa Cəmiyyəti diaspor təşkilatının (The European Azerbaijan Society) təsisçisi, “Qəbələ” futbol klubunun prezidenti, xaricdə fəaliyyət göstərən “United Enterprises İnternational” (UEI) holdinq şirkəti İdarə Heyətinin sədridir