Dövlətin güzəştli vəsaitləri sahibkarlara niyə çatmır?

Dövlətin güzəştli vəsaitləri sahibkarlara niyə çatmır?

20-06-2019, 07:30

Sərxan Əsgərov: ''Kredit üçün müraciətimə iki bankdan ''yox'' deyilsə də, rəsmi imtina cavabı ala bilmədim''
“65 baş iribuynuzlu mal-qaranın saxlanmasına imkan verən tövlə, yem, saxlamaq üçün anbar, çoban evim, 5,16 sot torpağım var. Hamısının Dövlət Əmlak Komitəsindən çıxarışını almışam. Bundan əlavə, 5 hektar torpaq götürmüşəm icarəyə, bir yüngül minik və bir yük avtomobilim var. Mal-qara tövləsinin yanında qoyun üçün də tövlə tikmişəm, təsərrüfatımı böyütmək istəyirəm. Bir neçə həftə əvvəl “Respublika bank”ın Bərdə rayon şöbəsinə müraciət etdim. Kənd Təsərrüfatı Nazirliyi yanında Aqrar Kredit və İnkişaf Agentliyinin güzəştli kreditlərindən yararlanmaq istədim. Mənə dedilər ki, kredit veriləcək”.
Bərdə rayon Hacılar kənd sakini Sərxan Əsgərov belə deyir. Bildirir ki, sonda kredit ala bilməyib. Çünki bir aydan sonra ona deyiblər ki, sənədlərində çatışmazlıq var:
“Krediti verməkdən imtina etdilər. Nə qədər təkid etsəm də, rəsmi imtina kağızını vermədilər. Bundan sonra “AccessBank”a müraciət etdim. Bir aya yaxın vaxt keçdikdən sonra onlardan mənə cavab gəldi ki, “xahiş edirik, qeyd olunan iradları aradan qaldıraraq təkrar müraciət edin”. Təsəvvür edin ki, bu iradların nədən ibarət olduğunu heç kim açıqlamır. Deyən yoxdur ki, sənədlərində filan çatışmazlıq var, onları düzəlt”.
Fermer bildirir ki, hər iki bankdan konkret imtina sənədi ala bilməyib: “Bundan sonra mən başqa bir banka vətəndaş kimi müraciət etdim və onlar bütün sənədlərimin qaydasında olduğunu bildirərək kredit ayrılmasına dair qərar qəbul etdilər. Üzləşdiyim hal göstərir ki, dövlətin fermerlərə, sahibkarlara ayırdığı vəsaitləri banklar vətəndaşlara çatdırmırlar. Bu isə ölkə rəhbərliyinin özəl sektorun, xüsusilə də aqrar sahənin inkişafı istiqamətində həyata keçirdiyi siyasətə ziddir”.
Ekspertlər daim çıxışlarında deyirlər ki, Azərbaycanda biznesin kreditləşmə səviyyəsi çox aşağıdır. Mərkəzi Bankın bu yaxınlarda verdiyi açıqlamaya görə, Azərbaycanda biznesin inkişafı üçün monetar şəraitin kifayət qədər əlverişli olduğu halda biznes aktivlik hələ də gözlənilən həddə çatmayıb.
“May ayının yekunu üzrə manatla pul bazası ilin əvvəlinə nəzərən 6.6 faiz artıb ki, bu da inflyasiya hədəfinə nail olmaq baxımından məqbul səviyyədir”, - deyə bankın açıqlamasında deyilir.
Bankın məlumatından aydın olur ki, ölkədə biznesin kredit aktivliyi aşağıdır. Üstəlik, kredit portfelində azalma olub:
“Yanvar-aprel aylarında kredit qoyuluşları 0.1 faiz, o cümlədən hüquqi şəxslər üzrə 2.7 faiz azalıb”.
Mərkəzi Bank bildirir ki, kredit aktivliyinin az olması nəticəsində bank sektorunda aktivlərin bir hisəsi istifadəsiz qalıb:
“Aşağı kredit aktivliyi şəraitində bank sisteminin likvidlik mövqeyində iri həcmli struktur profisiti qalmaqdadır”.
Qurum etiraf edir ki, aktivliyin aşağı düşməsi ölkənin iqtisadi sabitliyinə xələl gətirir: “Kredit aktivliyinin son illərdə də aşağı düşməsi iqtisadi artıma və məcmu təklifin genişlənməsinə neqativ təsir göstərməklə makroiqtisadi və maliyyə sabitliyinə xələl gətirir”.
Mərkəzi Bankın da açıqladığı kimi, ölkədə biznes kreditləşməsi getdikcə azalır.
Aqrarkredit Səhmdar Kredit Təşkilatının biznesin inkişafı departamentinin direktor müavini Ağabala Muradov Meydan TV-yə deyir, ola bilməz ki, bölgələrdə sahibkarların hüquqları belə pozulsun. Görünür, həmin vətəndaşın banka göstərməyə girovu olmayıb. Ona görə də ona kredit verilməyib:
“Çünki gələcəkdə vətəndaş krediti qaytara bilməyəndə girov keçir bankın adına. Bank məhkəməyə verib, əmlakı müsadirə edir. Görünür, vətəndaşın girovu olmayıb. Buna görə ona kredit verilməyib. Bank kredit verir, faiz götürür həmin faizlə də dolanır. Xeyir qurumu deyil axı, öz mənafeyi olmadan kiməsə kredit versin. Odur ki, mən əminəm, vətəndaşa kredit verilməyibsə, bunun səbəbi var”.
Elə Sərxan Əsgərov da bu səbəbi bilmək istəyir…

Müəlliflər: Meydan TV

Digər xəbərlər

Dövlətin güzəştli vəsaitləri sahibkarlara niyə çatmır?

“Zeytunluq”dakı yaşıllıqlar məhv olub gedir, sakinlər nazirliyə üz tutdu

“İydə”nin rəhbəri ölkədən nə qədər valyuta çıxıarıb?

Ramiz Mehdiyevə ŞOK İTTİHAMLAR - Sirləri açdı!

Muxtar Babayev balıqçılara "divan tutur": Ağzımızı açan kimi həbslə hədələyirlər...

Büdcəyə getməyən cərimə korrupsiyaya yem olurmu?

PUTİN QLOBAL MÜHARİBƏNİN BAŞLADIĞINI BƏYAN ETDİ - "Qətiyyətlə cavab verəcəyik!" + VİDEO

“Erməni separatçılarının başını əzsək də, Bakıdakı düşmənlərimizə əsir düşdük” - II Qarabağ müharibəsi qazisindən Mehiban Əliyevaya ŞOK MÜRACİƏT

Naxçıvan Səhiyyə Nazirliyində həbslər - Nazri Samiq Sadıxovun da həbs olunacağı gözlənilir İDDİA

“NAZİR İSLAHATLARIN NƏTİCƏSİNDƏN DANIŞIR, ANCAQ...” - Sabiq deputat sensasiyalı faktları açıqladı

General oğluna yüksək vəzifə verildi

“ƏRDOĞANIN PLANI UKRAYNAYA ORDU YERİTMƏKDİR” – “Putini məcbur edəcəklər”

“Prokurorluq nazirin cərimələrlə bağlı iddiasını araşdırmalıdır”

Böyük şəbəkələr necə "pambıqla baş kəsir"? - Araşdırma

Müştəri "Gilan"ın istehsal etdiyi "Natura" şirəsi almağına peşman oldu

Məmurlar varlanır, uşaqpulu 1 manat artırılır - Gələcəyin əsgəri üçün...

Rusiya azərbaycanlı iş adamının oğlunun qəzasından danışır — VİDEO

Ərdoğan: “Biz İsraillə münasibətləri tamamilə kəsdik”

OSMANOVUN VƏZİFƏSİ GƏNC GENERALA TAPŞIRILIB - Tanınmış şəxsin oğludur + FOTO

“Dırnaqları çəkilib, ağzı cırılıb, bud nahiyəsi deşik-deşik...“

Ukrayna ilk dəfə Rusiyanı uzaqmənzilli raketlərlə vurub

Aqil Abbasın oğlu rəis vəzifəsindən azad edildi

VUR Moskvanı!!! Qoca Bayden bir gecədə niyə fikrini dəyişdi və Trampı bir günə müharibəni dayandırmağa qoymadı? - Gizlinlər..

ABŞ-ın ATACMS raketlərinə dair siyasət dəyişikliyi Ukrayna münaqişəsində yeni mərhələ işarə edir

7 məmur, iki sahibkarın istintaqı başa çatdı —2 milyona yaxın pul büdcədən yayındırılıb

Müştərilər ən çox bu banklardan şikayət edirlər – Siyahı

Ərazi Tikinti Planlaşdırma Mərkəzinin tender maxinasiyalarının baş “qəhrəmanı”: “Dollar Cavid”

“Turan Bank” vətəndaşın başına oyun açıb

Orduda 143 milyonluq yeyinti ilə bağlı cinayət işi: generalın istintaqı yekunlaşdı

' Dövlətin dərmanları qara yollarla apteklərə verilir'

Qazaxda icra başçısını tənqid edən bələdiyyə sədrinin müavini psixiatriya xəstəxanasına salınıb