Dünyanı ağladan görüntülər: Qızının əlini buraxmadı... - FOTOLAR

Türkiyədə baş verən tarixi zəlzələlərdən dünyaya onlarla foto göndərən beynəlxalq xəbər agentlikləri Kahramanmaraşda bir atanın tarifi mümkün olmayan ağrısını lentə alıb.

Turkustan.az xəbər verir ki, Beynəlxalq xəbər agentlikləri Associated Press (AP) və Agence France-Presse (AFP) Türkiyəni yasa boğan zəlzələlərdən sonra onlarla fotoşəkili dünyaya təqdim edib.

Fevralın 6-da gecə yarısı Türkiyə tarixi zəlzələ ilə sarsıldı. Türkiyənin cənub qonşusu Suriyada da dağıntılara səbəb olan 7,7 bal gücündə zəlzələ şimalda Rusiyadan cənubda Misirə qədər 16 ölkədə hiss olunub.

Birinci zəlzələdən doqquz saat sonra 7,6 bal gücündə daha bir zəlzələ bu dəfə Kahramanmaraşın Elbistan qəsəbəsi yaxınlığında baş verib. Ekspertlər ikinci zəlzələnin gözlənilməz olduğunu bildirirlər.

Zəlzələlər Hatay, Adana, Osmaniye, Kahramanmaraş, Adıyaman, Qaziantep Malatya, Diyarbəkir, Şanlıurfa və Kilisdə minlərlə binanı dağıdıb. Qırılma xətlərində yollar bağlanıb.

AFP-nin Kahramanmaraşdan təqdim etdiyi fotolardan ikisi ürək ağrıdır. Fotolardan birində zəlzələdən sağ çıxan səkidə gözləyən görünür.

Mesut Hançer adlı atanın 15 yaşlı qızı İrmakın ölmədən öncə “ata əlimi buraxma” sözləri sözlə ifadə olunmaz faciədir. AFP yazıb ki, fotoda  ata ölmüş qızının əlindən tutub və buraxmır.

AFP-nin fotomüxbiri Ozan Köse də Kahramanmaraşda ümidverici kadr çəkib. Zəlzələdən təxminən 36 saat sonra bir uşaq dağıntılar altından sağ-salamat xilas edilib.

Həmin görüntüləri sizlərə təqdim edirik:

Eltac Zülfüqaroğlu/Turkustan.az